I Kômôro na Firaisan' i Kômôro dia firenena ao Afrika Atsinanana, izay fitambaran' ny nosy vitsivitsy ao amin' ny Lakandranon' i Môzambika (Ranomasimbe Indiana), any avaratra-andrefan' i Madagasikara, manana velaran-tany mirefy 2 612 km².

Sainam-pirenen'i Kômôro
I Kômôro eo anivon' izao tontolo izao.

Telo ny nosy lehibebe mamorona ny Firaisan' i Kômôro, dia i Ngazija (na Kômôro Lehibe) sy i Njoany (na Anjoany) ary i Moaly (na Môhely). I Kartala no tendrombohitra avo indrindra ao, izay mirefy 2 361 m, ao Ngazija, sady mbola misy afotroa velona.

Nahazo ny fahaleovan-tenany i Kômôro tamin' ny taona 1975. Nisafidy ny hiaraka amin' i Frantsa ny nosy Maiôty (na dia ao amin' ny tamba-nosin' i Kômôro ihany koa aza).

Nisy mponina miisa 1 071 229 tao tamin' ny taona 2020. Atao hoe Kômôriana na Kômôrianina ny mponina ao amin' io firenena io, izay ahitana ampahany koa amin' ny tanàna maro eto Madagasikara. Fifangaroana vahoaka maro fiaviana ny Kômôriana: Afrikana mainty hoditra, Arabo, Malagasy, Aziatika, sns. Miozolmana ny ankamaroan' ny mponina nefa misy mpino kristiana ihany. Ny fiteny kômôrina sy ny fiteny frantsay ary ny fiteny arabo no fiteny ôfisialy ao Kômôro.

Sarin-tanin' i Kômôro

Miompana amin' ny fambolena ny toekaren' i Kômôro, nefa tsy ampy ho an' ny filana ara-tsakafon' ny mponina izany.

Ireo nosy ao amin' ny Firaisan' i KômôroModifier

I NgazijaModifier

I Ngazija na Kômôro Lehibe no nosy lehibe indrindra sy be mponina indrindra (410 736 tamin' ny taona 2016) ao amin'ny tamba-nosin' i Kômôro. I Moroni no renivohiny, izay renivohitr' ilay firaisam-panjakana mizaka tena

I NjoanyModifier

I Njoany na Anjoany dia nosy ao amin' ny tamba-nosin'i Kômôro koa. I Mutsamudu no renivohiny ary misy mponina miisa 327 382 izy tamin'ny taona 2017. Mirefy 424 km2 ny velerany.

I MoalyModifier

I Moaly na Môhely no nosy farany kely sady be mpizaha tany indrindra ao amin' ireo nosy telo mitambatra ao amin' ny Firaisan' i Kômôro. I Fomboni no renivohiny. Misy mponina 52 360 izy tamin'ny taona 2015.

Jereo koaModifier

Firenena ao Afrika:

Afrika Atsimo - Alzeria - Angôla - Benino - Borkina Fasô - Borondy - Bôtsoana - Ejipta - Eritrea - Esoatiny (Soazilandy taloha) - Etiôpia - Gabôna - Gambia - Ganà - Ginea - Ginea Bisao - Ginea Ekoatôrialy - Jibotỳ - Kamerona - Kapvera - Kenia - Kômôro - Kôtidivoara - Lezôtô - Liberia - Libia - Madagasikara - Malaoy - Malỳ - Maorisy - Maoritania - Marôka - Môzambika - Namibia - Nizera - Nizeria - Oganda - Repoblika Arabo Saharaoy Demôkratika - Repoblika Demôkratikan'i Kôngô - Repoblikan'i Afrika Afovoany - Repoblikan'i Kôngô - Roanda - Saô Tôme e Prinsipe - Seisely - Senegaly - Siera Leôna - Sodàna - Sodàna Atsimo - Sômalia - Sômalilandy - Tanzania - Tôgô - Tonizia - Tsady - Zambia - Zimbaboe