Ny Merina dia foko monina ao afovoan'i Madagasikara. Raha faritana ara-jeografia ny misy azy ireo dia hita eo amin`ny manodidina ny faritr'Analamanga izy ireo. Izany hoe eo ampovoan-tany sy eny amin`ny vohitra avo eto Madagasikara, eo amin'ny tampon-kavoana voafaritry ny tanin'i Vonizongo ao avaratra, ny tendrombohitr'Ankaratra ao atsimo, ny reniranon'i Sakay ao andrefana, ary ny tandavan-tendrombohitr'Angavo ao atsinanana.

Ankizy vavy Merina

Fiaviana sy tantaran'ny MerinaHanova

Ny merina dia foko izay miavy avy any asia atsimo atsinanana. Izany hoe raha faritana mazava dia avy any Indonezia. Tamin'ny taon-jato faha valo ka hatramin'ny taon-jato faha-dimy ambin'ny folo tany dia voalazan`ny tantara fa nisy tatsam-bo izay avy any Indonezia tonga nanori-ponenana tao Madagasikara.

Ny merina moa dia foko izay miray sosona amin'ny foko Malay (malais). Ny tiana ambara amin'izany foko Malay izany dia ny hoe fitoviam-pokon'ireny merina amin'ny mponina ao Malaysie, Indonezia, Filipina, Pôlinezia, ary ny faritra atsimon'i Tailanda. Ny endrika hananan'ny Merina koa dia manamarina izany fiaviany avy any Azia izany. Eo koa anefa ireo fomba amam-panao izay tena hitovizan'ny Merina amin'ireo razam-beny avy any Indonezia; ohatra amin'izany ny "Famadihana" izay fomban'ireo Indoneziana avy any amin'ny faritr'i Sulawesi ao Indônezia. Ary ny fisian'ny vary eto Madagasikara dia anisan'ny porifo lehibe tokoa fa manana razam-be aziatika ny Merina, satria ny vary dia foto-tsakafon'ny Indôneziana ary koa ny Merina ao Madagasikara.

Ny teny malagasy sy ny merina no iraisana manerantanyHanova

Ny teny malagasy ofisialy dia voafaritra ho tafiditra ao anatin'ny fiteny malaiô-pôlineziana. Izany hoe manana fototra avy any amin'ny teny malay vondrona aostrôneziana. Ny teny izay ampiasaina ao Malaizia, Indônezia, Filipina dia teny malay koa izay mitovy endrika amin'ny teny malagasy. Izany ary dia voaporofo tokoa satria misy teny mitovy amin'ny teny malagasy sy teny indôneziana, filipiana, ary Malaiziana. Ohatra amin' izany ny teny malagasy hoe "mora" izay hita koa ao amin`ny teny indôneziana murah izay mitovy dika hoe "tsy lafo". Ohatra azo raisina koa ny teny hoe laoka, izany hoe "laoka" amin'ny teny malagasy ary lauk amin'ny teny malaiziana. Izany fotovian'ny teny izany dia tena tsapa tokoa na eo amin'ny feo na eo amin' ny fomba fanoratana.

Ny ho avin'ny foko merinaHanova

Amin'izao fotoana izao dia anisany zavatra mampihoroho tokoa ny faharingan'ny foko merina, izany hoe lany tamingany ny foko. Izany zava-misy izany moa dia manana antony samihafa eo aloha ny tsy fahafantaran'ny olona fa ilaina izany fitahirizana ny fokony izany sy ny kolon-tsaina hanan'ny foko tsirairay. Ny foko izay misy ny tena dia mety ho lasa kara-panondron'ny tena satria zavatra manavaka ny tena amin'ny hafa. Ary ny olana hafa dia ny fahaverezan'ny rehareha amin'io foko, ka lasa manary ny fokon'ny tena dia mankany amin'ny foko hafa na amin'ny fanambadiana na ny kolon-tsaina.

Ka ny vaha-olana dia ny hoe tiavo ny anao fa rehareha lehibe tokoa izany maha-merina, tandrovy tsy ho ringana ny taranany ary ny maha-tokana azy. Marina ihany koa izany eo amin'ny foko hafa, ka tsy fanambaniana ny an'ny hafa akory no tanjona eo amin'ny filolohavana ny an'ny tena, fa fanajana ny maha an'ny tena azy fotsiny ihany. Tsy misy tokoa mantsy ny ambony , tsy misy ihany koa ny ambany, fa ny fifahasamihafana dia harena ihany koa ka tokony hotandrovana.

Jereo koaHanova

Lohahevitra mifandray aminyHanova

Ny foko eto MadagasikaraHanova

Ny vahoaka hafa eto MadagasikaraHanova