Esoatiny

(tonga teto avy amin'ny Soazilandy)

I Esoatiny (anglisy: Eswatini); esoaty: eSwatini) dia firenena kely ao amin' ny faritra atsimon'i Afrika. Soazilady no anarany talohan' ny taona 2018. Mpikambana ao amin' ny Commonwealth izy. I Mbabane no renivohiny. Saika voahodidin' ny tanin' i Afrika Atsimo izy ary i Môzambika no miray sisin-tany aminy ao atsinanana. Tamin' ny 6 Septambra 1968 no nahazoany ny fahaleovan-tenany. Manana velaran-tany mirefy 17 363 km2 izy. I Pigg's Peak no tendrombohitra avo indrindra any, izay mahatratra 1 900 m. I Komati sy i Grand Usutu ary i Umbeluzi no renirano telo lava indrindra any. Indraindray koa izy antsoina hoe Ngoane (anglisy: Ngwane). Atao hoe Esoatiniana na Soatiniana ny vahoak' i Esoatiny izay nahatratra 1 104 479 tamin' ny taona 2020. Ny teny hoe eSwatini dia midika hoe "tanin' ny Soazỳ". Fanjakà-mpanjaka i Esoatiny ka ny mpanjakany amin' izao (2021) dia i Mswati III.

Sainam-pirenen' i Esoatiny
Sarin-tanin' i Esoatiny
I Esoatiny ao Afrika

Ny fiteny soaty, izay ao amin' ny fianakaviam-piteny banto, sy ny fiteny anglisy no fiteny ôfisialin' i Esoatiny. Miteny soaty ny 90 %n' ny Soazy fa ny 0,6 % ihany no miteny anglisy. Misy fiteny banto hafa koa tenenina ao amin' io firenena io. Ny ankamaroan' ny Esoatiniana dia Kristiana (80-88 %) fa misy koa ny Miozolmana (5-10 %), misy koa ny Hindo sy ny Bahay ary ireo mpanaraka ny fivavahan-drazana afrikana animista.

Miara ho distrika efatra i Esoatiny, dia ny distrikan' i Hhohho, ny distrikan' i Lubombo, ny distrikan' i Manzini ary ny distrikan' i Shiselweni.

Jereo koaModifier

Firenena ao Afrika:

Afrika Atsimo - Alzeria - Angôla - Benîno - Borkina Fasô - Borondy - Bôtsoana - Ejipta - Eritrea - Esoatiny (Soazilandy taloha) - Etiôpia - Gabôna - Gambia - Ganà - Ginea - Ginea Bisao - Ginea Ekoatôrialy - Jibotỳ - Kamerona - Kapvera - Kenia - Kômôro - Kôtidivoara - Lezôtô - Liberia - Libia - Madagasikara - Malaoy - Malỳ - Maorisy - Maoritania - Marôka - Môzambika - Namibia - Nizera - Nizeria - Oganda - Repoblika Arabo Saharaoy Demôkratika - Repoblika Demôkratikan'i Kôngô - Repoblikan'i Afrika Afovoany - Repoblikan'i Kôngô - Roanda - Saô Tôme e Prinsipe - Seisely - Senegaly - Siera Leôna - Sodàna - Sodàna Atsimo - Sômalia - Sômalilandy - Tanzania - Tôgô - Tonizia - Tsady - Zambia - Zimbaboe