Hanokatra ny renilisitra
Fara-fiitaran'ny Empira otomàna tamin'ny taonjato faha-16 sy faha-17.

Ny Fanjakana otomàna na Empira otomàna dia fanjakana na empira natsangan'ny fianakavia-mpanjakan'ny Torka ogozy, izay naharitra hatramin'ny fotoana aloha kelin'ny fipoahan'ny Ady Lehibe Voalohany. Teo anelanelan'ny taonjato faha-14 sy ny taona 1923 no nisian'izany fanjakana izany. Noravàn'ny Otomàna ny fanjakana seljokidan'i Anatolia sy ny Empira bizantina mba hananganany ny Empira osmanly (na otomàna). Lasa empira ny soltanà otomana taorian'ny fanafihan'ny Otomàna an'i Konstantinopla tamin'ny 1453.

Nanambatra ny herin'ny kalifata arabo sy ny tanjaky ny Bizantina io fanjakana io, ka lasa nampitohy kontinenta telo rehefa tafapaka tamin'ny fara tampon'ny tanjany. Niitatra hatrany Eoropa hatrany amin'ny sisin-tany manelanelana an'i Aotrisy amin'i Hongria sy any Azia hatrany Persia, ka hatrany amin'ny morontsiraka adrefana sy atsinanan'ny Ranomasina Mena ary any amin'ny morontsiraky ny Ranomasina Mediteranea ao avaratr'i Afrika.

Amin'ny teny tiorka otomana dia atao hoe Devlet-i Aliyye-i Osmâniyye; fa amin'ny teny teny tiorka ankehitriny kosa dia Osmanlı İmparatorluğu.

Fantatra ihany koa amin'ny anarana hoe Empira Tiorka na Torkia io Fanjakana Islamika Sonita noforonin'ny Torka ogozy tamin'ny fotoam-panjakan'i Osman I tao Anatolia avaratra tamin'ny 1299.