Slava (vahoaka)

Ny Slava na Slavy dia vondrom-poko ara-piteny indô-eorôpeana, izay miteny amin' ny fiteny slava isan-karazany izay ao amin' ny vondrom-piteny baltô-slava. Teratany any Eorazia izy ireo, hatrany Eorôpa Afovoany, Atsinanana ary Atsimo, avaratra sy atsinanana ka hatrany avaratra atsinanan' i Eorôpa sy any Azia Avaratra (Siberia), ary any Azia Afovoany (indrindra fa i Kazakstàna sy Torkmenistàna), ary koa ny ara-tantara tany Eorôpa Andrefana (indrindra fa any Alemaina Atsinanana) sy Azia Andrefana (anisan' izany i Anatôlia). Nanomboka tamin' ny fiandohan' ny taonjato fahenina, dia niparitaka izy ireo ka nipetraka tany amin' ny ankamaroan' ny firenena any Eorôpa Afovoany sy Atsinanana ary Atsimo-Atsinanana. Noho ny fifindrà-monina dia misy diaspôra slavy lehibe ankehitriny ny any Amerika Avaratra, indrindra any Etazonia sy Kanada.

Ny Slava no vondrom-poko ara-piteny lehibe indrindra any Eorôpa. Ny Slava ankehitriny dia sokajiana ho Slava Tatsinanana (indrindra ny Belarosiana, Rosiana, Rotenianina ary Okrainiana), Slava Tandrefana (indrindra indrindra ny Tseky, ny Kasobiana, ny Môraviana, ny Pôlôney, ny Sileziana, ny Slôvàka ary ny Sôràba) ary Slava Tatsimo (indrindra indrindra ny Bôsniaka, ny Bolgara, ny Krôatiana, ny Gôràna ary ny Makedôniana, ny Môntenegrina, ny Serba ary ny Slôvena).

Ny Slava dia azo sokajiana araka ny fivavahany. Ny ankamaroan' izy ireo dia manaraka ny kristianisma ôrtôdôksa. Ny Slava ôrtôdôksa dia ahitana Belarosiana, Bolgara, Makedôniana, Môntenegrina, Rosiana, Rosina, Serba ary Okrainiana, ary faritana amin' ny fomba amam-panao ôrtôdôksa sy ny soratra sirilika, ary koa ny fifandraisany ara-kolontsaina amin' ny Empira Bizantina (mampiasa ny soratra latinina koa ny Môntenegrina sy Serba, hanoratany fiteny mitovy). Ny fivavahana kristiana faharoa mahazatra indrindra dia ny katôlika rômana. Ny Slava katôlika dia ahitana Krôatiana, Tseky, Kasobiana, Môraviana, Pôlôney, Sileziana, Slôvaka, Slôvena ary Sôràba, ary voafaritra amin' ny fiantraikany sy ny lova latinany ary ny fifandraisany amin' i Eorôpa Andrefana. Misy ihany koa ny Prôtestanta sy ny Loterana vitsy an' isa, indrindra fa ny Slava Tandrefana, toy ireo Hosita tany Bôhemia (Tseky) ara-tantara.

Ny fivavahana faharoa lehibe indrindra amin' ny Slava, aorian' ny kristianisma, dia ny silamo. Anisan' ny Slava miozolmana ny Bôsniaka, ny Pômàka (Miozolmana bolgariana), ny Gôrany, ny Tôrbesy (Miozolmana makedôniana), ary Miozolmana hafa avy any Iogôslavia taloha. Ny firenena sy ny vondrom-poko slava ankehitriny dia tena samihafa ara-pitaranahana sy ara-kolontsaina, ary ny fifandraisan' izy ireo - na ao anatin' ny vondrona tsirairay aza - dia ahitana firaisankina ara-poko ka hatramin' ny fifandrafiana anatiny.

Ny vondrona ara-pitenyHanova

Fanasokajiana ara-paritraHanova

Ny vondrom-poko ara-piteny slava telo lehibe dia:

Fiteny slavaHanova

Amin' ny fomba fijery ara-piteny, ny fiteny slava sasany dia tena mifanakaiky, nefa tsy midika izany fa mora ny fifankahazoana. Ireto avy izy ireo:

Tany onenan'ny Slava ankehitrinyHanova

Ireo firenena slavaHanova

Ity ny lisitry ny firenena slava voasokajy araka ny isan' ny mponina.

  • Rosia: 146 780 700 mponina (tamin' ny taona 2019);
  • Okraina: 44 983 019 mponina (tamin' ny 2019);
  • Pôlônia: 38 282 325 mponina (tamin' ny 2020), mpikambana ao amin' ny Vondrona Eorôpeana;
  • Tsekia: 10 649 800 mponina (tamin' ny 2019), mpikambana ao amin' ny Vondrona Eorôpeana;
  • Bielarosia: 9 477 918 mponina (tamin' ny 2020);
  • Serbia: 7 078 110 mponina (tamin' ny 2018);
  • Bolgaria: 6 966 899 mponina (tamin' ny 2020), mpikambana ao amin' ny Vondrona Eorôpeana;
  • Slôvakia: 5 440 602 mponina (tamin' ny 2020), mpikambana ao amin' ny Vondrona Eorôpeana;
  • Krôasia: 4 105 493 mponina (tamin' ny 2018), mpikambana ao amin' ny Vondrona Eorôpeana;
  • Bôsnia-Herzegôvina: 3 835 586 mponina (tamin' ny 2020);
  • Makedônia Avaratra: 2 125 971 mponina (tamin' ny 2020);
  • Slôvenia: 2 070 050 mponina (tamin' ny 2018), mpikambana ao amin' ny Vondrona Eorôpeana;
  • Môntenegrô: 609 859 mponina (tamin' ny 2020).

Ny diaspôra slavaHanova

Misy diaspôra slava lehibe eran-tany: any Etazonia, Kanada, Aostralia, Frantsa, Fanjakana Mitambatra, Alemaina ary Pôrtogaly.

Ankoatr' izay, ny mpanjanaka slava niorim-ponenana tamin' ny taonjato faha-19 sy faha-20 dia ampahany manan-danja amin' ny mponina ao amin' ireo firenena vokatry ny faharavan' ny Empira Rosiana teo aloha sy ny Firaisana Sôvietika taloha toa an' i Torkmenistàna (7%), i Kirgizstàna (8%), i Ozbekistàna (9%), i Litoania (15%), i Môldavia (16%), i Kazakstàna (26% eo ho eo, vahoaka lehibe indrindra amin' ny isa), i Estônia (29%), i Letônia (36%) ary mihoatra noho izany aza any amin' ireo tany milaza tena ho repoblika mahaleo tena, izay tsy ekena eo amin' ny sehatra iraisam-pirenena, ary miankina tanteraka amin' ny Federasionan' i Rosia: Abkazia (11%), Ôsetia Atsimo (10%) ary Transnistria (eo amin' ny 62%).

Jereo koaHanova