Vietnamy
| Cộng hoà Xã hội Chủ nghĩa Việt Nam ((vi)) | |||||
| Repoblika Sôsialistan' i Vietnamy ((mg)) | |||||
| |||||
| Teny filamatra : Độc lập, tự do, hạnh phúc (Fahaleovantena, fahafahana, fahasambarana) | |||||
| |||||
| Teny ofisialy | vietnamiana | ||||
| Renivohitra | Hanoi 21°2′N, 105°51′E | ||||
| Tanàna lehibe indrindra | Hô-Chi-Minh-Ville | ||||
| Fitondrana sy governemanta - filoha - Praiministra |
Repoblika Lương Cường Phạm Minh Chính | ||||
| Velarantany - Tontaliny - Rano (%) |
faha 65 331,698 km² 1,3 % | ||||
| Isam-ponina - Tontaliny (2012) - hakitroka |
faha 14 91 519 289 mpo. 253,5 mpo./km² {{{1}}} | ||||
| Anaran'ny mponina | Vietnamiana, vietnamianina | ||||
| Sandam-bola | Đồng (VND)
| ||||
| Faritr'ora | UTC +7 | ||||
| Hiram-pirenena | Tiến Quân Ca (Mandroso ny tafika) | ||||
| Valan-tsehatra internet | |||||
| Antso an-tariby |
+84
| ||||
I Vietnamy, na Repoblika Sôsialistan' i Vietnamy dia firenena ao Azia Atsimo-Andrefana ao atsinanan' ny Saikanosy Indôsinoa. Mirefy 341 690 km² ny velaran-taniny ary miisa 90,3 tapitrisa ny mponina tgao aminy tamin' ny taona 2012. I Vietnamy no firenena faha-13 be mponina indrindra eto ambonin' ny tany ary firenena aziatika fahavalo be mponina indrindra.
Ny firenena mizara sisintany aminy dia i Sina, i Laôsy ary i Kambôdia. Ny renivohiny dia i Hanoi ary ny tanàna lehibe indrindra dia i Hô-Chi-Minh-Ville. Atao hoe Cộng hoà Xã hội Chủ nghĩa Việt Nam izy amin' ny fiteny vietnamiana.
Manana halava mirefy 1 700 km, avy avaratra mianatsimo, sy sakany tsy mihoatra ny 300 km i Vietnamy. Be tendrombohitra sy be lembalemba, izay mahatratra 65 %n’ ny taniny ity firenena ity. Ny Ony Mena ao avaratra sy i Mekong ao atsimo no ony lehibe indrindra any. Toetanin-janapehin-tany ny toetany any.
Makitroka ny mponina any Vietnamy ary misy mponina 1 000 isaky ny km2 amin’ ny faritra amorontsiraka sasany. Betsaka ny tanora satria latsaky ny 15 taona ny 37 %n’ ny mponina. Ny 75 %n’ ny mponina dia monina an-tanàn-dehibe.
Mandroso ny toekaren’ i Vietnamy nefa tsy voatsinjara tsara eran’ny taniny izany. Ny fambolena no loharanon-karena lehibe indrindra any, indrindra ny fambolem-bary. Mandroso koa ny fanjonoana.
Jeôgrafia
hanovaI Vietnamy dia ao amin' ny tapany atsinanan' ny Saikanosy Indôsinoa. Ny velarantany manontolon' ilay firenena dia 331 210 km² izay mitovitovy velarana amin' i Alemaina. Ny halavan' ny morontsiraka dia 3 444 km. Ny tendrombohotra avo indrindra ao Vietnamy dia i Phan Xi Păng izay manana haavo 3 143 m.
Toekarena
hanovaNampalemy ny toekaren' i Vietnamy ny fandaniam-bola lehibe ho an' ny tafika sy ny fandaminana ny toekarena. Na dia izany aza, nitombo sahala amin' ny fitombon' ny toekaren' ny Sinoa ny toekaren' i Vietnamy taorian' ny nanesorana ny ankivy nataon' ny Amerikanina teo antenantenan' ny taona 1990. Nandritra ny taona 2000 dia tsy latsaky 4,7 % ny fitombon' ny harin-karena faobe.
Ny harin-karena faoben' i Vietnamy dia 299,2 lavitrisa dolara ka manao azy ho firenena faha-43 lehibe indrindra ara-toekarena. Tamin' ny taona 2011, ny anjara toeran' ny fambolena ao amin' ny toekaren' i Vietnamy dia 48 %, ny sampan-draharaha dia 29,6 % ary ny indostria dia 22,4 %.
Fizahàn-tany
hanovaMitombo isan-taona ny fizahàn-tany. 4,25 tapitrisa no isan' ireo mpizaha tany noraisin' i Vietnamy tamin' ny 2008[1].
- Firenena niavian' ny mpizaha tany tonga tao Vietnamy
Jereo koa
hanovaFirenena ao Azia:
Afganistàna - Arabia Saodita - Armenia - Azerbaijàna - Bangladesy - Bareina - Botàna - Broney - Emirata Arabo Mitambatra - Filipina - Iemena - India - Indônezia - Iràka - Iràna - Israely - Japàna - Jôrdania - Kambôdia - Katara - Kazakstàna - Kirgizistàna - Kôety - Kôrea Atsimo - Kôrea Avaratra - Laôsy - Libàna - Maldiva - Malezia - Mianmara - Môngôlia - Nepaly - Ômàna - Ozbekistàna - Pakistàna - Palestina (fanjakana) - Rosia - Sina - Singaporo - Siria - Srilanka - Tailandy - Taioàna - Tajikistàna - Torkia - Torkmenistàna - Vietnamy.
Kôntinenta eto an-tany
Tsiahy
hanova
|
Fantsom-baovao Archived Janoary 15, 2021 at the Wayback Machine Vietnamy