Filôzôfia
Ny filôzôfia dia ny fandinihana ny fototr' olana, toy ny antom-pisian' ny tena, ny fahaizana, ny soatoavina, ny fahendrena, ny fisainana ary ny fiteny. Ny teny hoe filôzôfia dia avy amin' ny teny grika hoe φιλοσοφία / philosophia, izay midika hoe "fitiavam-pahendrena". Taranja nisy hatry ny Andro Taloha ny filôzôfia.
Ny sampan' ny filôzôfia Hanova
Ny sampana manaraka eo dia fandinihana lehibe indrindra ao amin'ny filôzôfia :
- Ny metafizika, dia ny fandinihana ny fihavian'ny zava-misy, miaraka amin'ny fifandraisana eo anivon'ny saina sy ny vatana ary ny zava-mitranga. Ny sampana tsotra dia ny kôsmôlôjia, ary ny ôntôlojia.
- Ny filôzôfia pôlitika dia ny fandinihana ny governemanta sy ny fifandraisan'ny tsirairay (na fianankaviana) amin'ny fikambanana ao amin'ny firenena. Ao ny fanontaniana mahakasika ny fanamarinana, any lalàna, ny fananana, ary ny zo sy ny adidin'ny olom-pirenena. Samy mifandray ny politika sy ny etika, ary miadihevitra amin'ny hoe inona ny tsara sy ny ratsy ary ahoana ny mponina no tokony hiaina ny foto-panontanian'ireo zana-tsampana roa ireo.
- Ny filôzôfia môraly dia ny fandinihana ny fomba fitondran-tena eo anivon'ny fiaraha-monina sy mandinika manokana ireo tsara tokony hatao sy ireo ratsy tsy tokony hatao. Manakaiky be azy ity moa ny atao hoe etika.
