Materialisma
Ny materialisma dia rafitra filôzôfika mônista izay manohana ny fiheverana fa ny zava-drehetra dia voaforon' ny matiera, ary ny zava-mitranga rehetra dia vokatry ny fifandraisana ara-materialy, anisan' izany ny saina sy ny fieritreretana na ny fieritreretana izay fisehon' ny fiasa ara-materialy (toy ny biôsimian' ny atidohan' olombelona sy ny rafi-pitatitra).
Amin' ny maha-rafitra filôzôfika azy, ny materialisma dia anisan' ny kilasin' ny ôntôlôjia mônista, ary nivoatra voalohany tao amin' ny fandinihana talohan' i andron' i Sôkraty — na dia tsy voalaza mihitsy aza izany talohan' ny taonjato faha-17. Ny materialisma dia misy fivoasana maro, ka mety ho natoralista izany na ara-tantara. Ampiasain' ny filôzôfa ho fitaovam-piadiana amin' ny adihevitra ny materialisma mba hanoherany ny idealisma izay mbola nanjakazaka tao amin' ny filôzôfia hatramin' ny faran' ny taonjato faha-19. Amin' ny idealisma dia ny fieritreretana na ny fahatsiarovan-tena no fototra iforonan' ny natiora.
Misy sampan' ny materialisma izay mifandray akaiky amin' ny fizikalisma, izay milaza fa ny zava-drehetra misy dia fisehoana ara-pizika (ara-tsapain-tanana). Ny fizikalisma filôzôfika dia fivoaran' ny materialisma izay mifototra amin' ny zavatra hitan' ny siansa fizika, mba hampidirana hevitra be pitsiny kokoa noho ny an' ny "matiera", toy ny habaka amam-potoana, ny angovo, ny sahan-kery, sns. Noho izany, amin' ny filôzôfiam-pandrasana, ny teny hoe "fizikalisma" dia matetika safidina toy izay ny hoe "materialisma", nefa ny mpanoratra sasany dia mampiasa azy roa ireo ho mitovy hevitra. Ny fiheverana filôzôfika izay manohitra ny materialisma dia ahitana ny idealisma, ny ploralisma, ny doalisma, ny spiritoalisma, sns.
Ny epikorisma na epikoreanisma dia filôzôfian' ny materialisma hatramin' ny ampahany klasika amin' ny Andro Taloha izay nialoha lalana ny siansa môderna. Na dia lazaina ho deista aza i Epikorôsy, dia nanamafy ny fisiana ara-bakitenin' ny andriamanitra grika ao amin' ny karazana "lanitra" selestialy izay iaingan' ny fitondran' izy ireo an' izao rehetra izao (raha tsy eo amin' ny Tendrombohitra Ôlimpôsy ara-bakiteny), ary ny filôzôfiany dia namoaka ny atômisma, fa ny mifanohitra amin' izany ambangovangony no ampianarin' ny platônisma, na dia eo ny fampianaran’ i Platôna izay manao an' i Zeosy ho Andriamanitra.