Faritra Amoron' i Mania

Faritra Amoron' i Mania -
Fianarana no lova tsara
Firenena	Madagasikara
Faritany	Fianarantsoa
Renivohi-paritra	Ambositra
Distrika	4
Lehiben'ny faritra	Tsy fantatra
Fianarana no lova tsara
Velarantany	16 141 km2
Isam-ponina	833 919 mpo.
Hakitroky ny mponina	51,66 mpo/km2
Fianarana no lova tsara
Laharam-pehintany	-----
Laharan-jarahasina	-----

Ny Faritra Amoron' i Mania dia iray amin' ny faritra 23 eto Madagasikara. Ao amin' ny tapany afovoan' ny Nosy, ao amin' ny Faritanin' i Fianarantsoa no misy azy. Ambositra no renivohiny.

Ambositra

I Mania dia renirano ao avaratr' Ambositra, mianga avy any amin' ny faritr' Ifisakana ary mampisaraka ny faritr' Ambositra sy Antsirabe dia mivarina any ambany andrefana any Tsiribihina. Ifandriana sy Imadiala, Ambatofinandrahana sy Manandriana ary Ambositra izay misy ny renivohitra no mitambatra ho Faritra Amoron' i Mania.

Tanàna efa nalaza hatry ny ela kosa ary efa hatramin' ny andron' Andrianampoinimerina i Mahazoarivo (Fandriana), Imerin' Imady, Ambositra, i Manandriana, i Mahazoarivo (Manandriana) sy Ambohimitombo sy Itandroka (Ambohimanga-Atsimo izay tsy ao anatin' ny faritany ankehitriny) samy tanàna foiben' ny Zafimaniry. Tanàna samy manana ny lazany sy ny tantarany avokoa ireo tanàna ireo sy ny hafa maro koa izay tsy ho voatanisa eto.

Ny Betsileon' i Manandriana sy ny Betsileon' Ifisakana ary ny Zafimaniry (Ambinanindrano) no mponina ao amin' ny faritra Amoron' i Mania. Fambolena sy fiompiana ary taozavatra isankarazany toy ny rary sy ny sokitra no isan' ny mampiavaka azy sady fiveloman' ny olona. Malaza ho mpandranto sy mpikarama ary mpila ravinahitra eran' i Madagasikara sy hatrany ivelany ny terak' Amoron' i Mania.

Azo lazaina fa samy manana ny maha izy azy sy ny tantarany ny faritra madinika tsirairay: Ilaka, Iarinoro, i Sandrandahy, i Fandriana, i Mahazoarivo (Fandriana), Imito, i Tsarazaza, Andoharano, i Salakaina, Anjafimaniry, Imady sy i Maintinandry, Ivato, Antoetra, Isaha (Ambositra), Ivony sy Andina, i Manandirana, Ambatofinandrahana ary Isoavina.

Ny mponina ao Imady kosa dia saika mpifindra monina avy any Finarantsoa sy Manandriana no niandohany, saika ankamaroany àry dia zary nanana ny tantarany manokana efa talohan' ny 1700 ary tafakatra hatrany amin' ny 1400-1500 mihitsy aza raha ny fasana sy ny fivoarany no zohina, saika eran' ny faritr' Ambositra no ahitana ny fasam-bazimba (fasana anairotra), sy ny fasana efa nivoatra tato afara, dia ny fasambemaso sy ny vazoho ary ny fasana vita rary vato eto ivelany tsy mbola nampiasana simenitra; efa taty aoriana be mantsy ny fasana atao hoe tranovato na vita aloalo na tsy vita aloalo izany, dia ireo fasana mampiasa rangolahy vita amin' ny vato maromaro, ankehitriny moa dia ny fasana môderina no maro mpanao ka tena mifanalavitra amin' ireny fasan' ny Ntaolo ireny mihitsy.

Marihina koa fa isan' ny mampiavaka iny faritra iny ny fisian' ireo tatao sy vatolahy tranainy ankoatry ny fasana tranainy sy ny hadivory maro. Vakoka mendrika harovana sy mitahiry ny rakitry ny ela izy ireny ka tsy tokony hozimbazimabaina sy ho potehina, fa mila hasoavina sy hatsaraina hatrany ny manodidina azy, ka tokony harovan' ny fokontany tsirairay sy ny fokonolona mbamin' ny taraka aty aoriana.

Ireto ny distrika ao amin' io faritra io:

• Distrikan' Ambatofinandrahana
• Distrikan' Ambositra
• Distrikan' i Fandriana
• Distrikan' i Manandriana

Jereo koa

Faritany sy faritra eto Madagasikara:

• Faritanin' Antananarivo (Faritra Itasy - Analamanga - Bongolava - Vakinankaratra)
• Faritanin' Antsiranana (Faritra Diana - Sava)
• Faritanin' i Fianarantsoa (Faritra Atsimo-Atsinanana - Amoron' i Mania - Ihorombe - Matsiatra Ambony - Vatovavy - Fitovinany)
• Faritanin' i Mahajanga (Faritra Boeny - Betsiboka - Melaky - Sofia)
• Faritanin' i Toamasina (Faritra Alaotra-Mangoro - Analanjirofo - Atsinanana)
• Faritanin' i Toliara (Faritra Atsimo-Andrefana - Anosy - Androy - Menabe)

Rohy ivelany

Lahatsoratra samihafa

• "Communes et régions à Madagascar, De nouveaux acteurs dans la gestion locale de l'environnement", cairn.info
• "Lois annotées sur la décentralisation", fes.de
• "Maroantsetra – Mananara : La création de la 24ème région adoptée en Conseil des ministres Archived Jiona 14, 2023 at the Wayback Machine", midi-madagasikara.mg
• "Gouverneur de région : du provisoire permanent Archived Jiona 30, 2023 at the Wayback Machine", madagascar-tribune.com

Didy aman-dalàna

• "Loi n°2004-001 relative aux Régions" (pdf), faolex.fao.org
• "Loi n°2014-020 du 27 septembre 2014 Relative aux ressources des Collectivités territoriales décentralisées, aux modalités d’élections, ainsi qu’à l’organisation, au fonctionnement et aux attributions de leurs organes Archived Desambra 11, 2022 at the Wayback Machine.", ceni-madagascar.mg
• "Loi organique n° 2014-018 du 12 septembre 2014 régissant les compétences, les modalités d’organisation et de fonctionnement des Collectivités territoriales décentralisées, ainsi que celles de la gestion de leurs propres affaires Archived Jiona 30, 2023 at the Wayback Machine.", dgfag.mg
• "Loi n°2014-021 relative à la représentation de l’Etat" (pdf), droit-afrique.com
• "Loi n°2015-002 complétant l’annexe n°01 de la loi n° 2014-020 du 27 septembre 2014 relative aux ressources des Collectivités territoriales décentralisées, aux modalités d’élections, ainsi qu’à l’organisation, au fonctionnement et aux attributions de leurs organes Archived Novambra 11, 2021 at the Wayback Machine.", ceni-madagascar.mg
• "Loi n° 2021-012 modifiant l’annexe n° 01 de la Loi n° 2014-020 du 27 septembre 2014, modifiée et complétée par la Loi n° 2018-011 du 11 juillet 2018, relative aux ressources des Collectivités Territoriales Décentralisées, aux modalités d’élections, ainsi qu’à l’organisation, au fonctionnement et aux attributions de leurs organes" (pdf), assemblee-nationale.mg