Alahasaty

(tonga teto avy amin'ny Leo (atonton-kintana))

Ny Alahasaty no vintana fahadimy amin' ny fanandroana malagasy. Ny Asorotany no eo alohany ary ny Asombola no manaraka azy. Ny tapany atsinanana amin' ny rindrin-trano atsimo no toerana omena azy[1]. Araka ny finoan-drazana malagasy dia vinta-mpamosavy sy andron' ody ny Alahasaty.

Ody

Fiavian' ilay anaranaModifier

Fiavian' ilay anaranaModifier

Avy amin' ny anaran' antokon-kintan' ny zôdiaka amin' ny teny arabo hoe اأسد / Al-Asad ("liona") ny hoe Alahasaty. Amin' ny faritra maro eto Madagasikara dia tononina hoe Alahasady koa io teny io. Manondro ny antokon-kintana atao amin' ny teny latina sy anglisy hoe Leo na amin' ny teny frantsay hoe Lion ny hoe Alahasaty. Amin' ny fiteny soahily dia atao hoe Asadi na Simba io antokon-kintana io. Amin' ny teny maley dia atao hoe Asad na Singa ihany koa izy.

 
Antokon-kintan'ny Liona

Ny antokon-kintana Liona sy ny zôdiakaModifier

Ny fotoana andalovan' ny masoandro eo amin' ny antokon-kintan' ny Liona dia manomboka amin' ny 10 Aogositra ka miafara amin' ny 16 Septambra. Ny fari-potoan' ny Liona araka ny zôdiakan-kintana dia hatramin' ny 16 Aogositra ka hatramin' ny 15 Septambra. Ny Liona ao amin' ny zôdiakam-panandroana mahazatra (zôdiaka mikisaka; frantsay: zodiaque tropical) dia manomboka amin' ny 23 Jolay ka miafara amin' ny 22 Septambra. Ny fanandroana malagasy dia tsy mifanaraka amin' ireo noho izy miandry tsinam-bolana.

Foza na Asorotany Liona na Alahasaty Virijiny na Asombola
Antokon-kintana 20 Jolay - 10 Aogositra 10 Aogositra - 16 Septambra 16 Septambra - 30 Oktobra
Zodiakan-kintana 16 Jolay - 15 Aogositra 16 Aogositra - 15 Septambra 16 Septambra - 15 Oktobra
Zodiaka mikisaka 22 Jona - 22 Jolay 23 Jolay - 22 Aogositra 23 Aogositra - 22 Septambra

Ny vintana AlahasatyModifier

ToeranyModifier

Ao amin' ny fanandroana malagasy dia vintana fahadimy koa ny Alahasaty ka ny tapany atsinanana amin' ny rindrin-trano atsimo no toerana omena azy. Zanabintana ny Alahasaty. Mifandratra amin' ny Adalo sy miarina eo amin' ny Adijady ny vintana Alahasaty. Trotroin' ny renivintana Asorotany ny zanabintana Alahasaty. Mitondra tonon' andro roa ny Adizaoza, dia ny vava Alahasaty (na vavan' Alahasaty) sy ny vody Alahasaty (vodin' Alahasaty).

FombanyModifier

Araka ny finoan-drazana malagasy dia vinta-mpamosavy sy andron' ody ny Alahasaty.

Vava AlahasatyModifier

Ny olona teraka vava Alahasaty dia mety ho mpamosavy na ho mpitana ody mahery raha teraka misasaka alina. Tononandro tsara anandratana ody sy sampy ny vava Alahasaty ka tsy tsara anaovana zavatra hafa.

Vody AlahasatyModifier

Ny olona terana vody Alahasaty dia ho tratra antitra. Tononandro tsara ho fisantarana zavatra sy fampakaram-bady ny vody Alahasaty.

Ny volana AlahasatyModifier

Misy amin' ny Malagasy ny mandray ny volana Alahasaty ho volana fahadimy amin' ny taona ao amin' ny tetiandro malagasy (raha ny Alahamady no ataony volana voalohany).

Manomboka amin' ny vava Alahasaty ka miafara amin' ny vody Asorotany ny volana Alahasaty raha misy 28 andro. Raha tsy tsinanam-bolana ny andro aorian' ny vody Asorotany dia miafara amin' ny vava Alahasaty ny volana izay misy 29 andro; raha mbola tsy tsinana aorian' io vava Alahasaty io dia mifarana amin' ny vody Alahasaty ny volana izay misy 30 andro.

Jereo koaModifier

Vintana ao amin' ny fanandroana malagasy:

Evan' ny zôdiaka:

Antokon-kintan' ny zôdiaka:

Tetiandro

Loharano sy fanamarihanaModifier

  1. "Alahasaty", ao amin'ny Rakibolana malagasy sy Rakipahalalàna momba an'i Madagasikara.