Hanokatra ny renilisitra
Ny evan'ny Alohotsy

Ny Alohotsy dia vintana faharoa ambin'ny folo amin'ny fanandroana manaraka ny zodiaka. Ny Adalo no eo alohany ary ny Alahamady no manaraka azy.

Fiavian'ilay anaranaHanova

 
Sary maneho ny Alohotsy

Avy amin'ny anaran'antokon-kintan'ny zodiaka amin'ny teny arabo hoe الحوت / Al-Hut ("trondro") ny hoe Alohotsy.

Manondro ny antokon-kintana atao amin'ny teny latina sy anglisy hoe Pisces na amin'ny teny frantsay hoe Poissons. Amin'ny fiteny soahily dia atao hoe Hutu na Samaki io antokon-kintana io. Amin'ny teny maley dia atao hoe Hut na Ikan ihany koa izy.

 
Antokon-kintan'ny Alohotsy

Ny antokon-kintana Alohotsy sy ny zodiakaHanova

Ny fotoana andalovan'ny masoandro ao amin'ny antokon-kintana Alohotsy dia amin'ny 12 Marsa hatramin'ny 18 Avrily. Eo amin'ny 15 Marsa hatramin'ny 14 Avrily ny fari-potoan'ny Alohotsy ao amin'ny zodiakan-kintana fa amin'ny 20 Febroary hatramin'ny 20 Marsa kosa izany ao amin'ny zodiaka mikisaka. Tsy mifanaraka amin'ireo ny fanandroana malagasy noho izy miandry tsinam-bolana.

Ao amin'ny fanandroana malagasyHanova

Ao amin'ny fanandroana malagasy dia vintana faharoa ambin'ny folo koa ny Alohotsy ka ny tapany antsinana amin'ny rindrin-trano avaratra no toerana omena azy. Zanabintana ny Alohotsy.

Vintan'olona tsy mahatombin-toerana ny Alohotsy araka ny finoan-drazana malagasy. Mifandratra amin'ny Asombola sy miarina eo amin'ny Adimizana io vintana io.

Misy amin'ny Malagasy ny mandray ny volana Alohotsy ho volana faharoa ambin'ny folo amin'ny taona ao amin'ny tetiandro malagasy (raha ny Alahamady no ataony volana voalohany).

Jereo koa:Hanova