Ny Adalo dia vintana fahiraika ambin'ny folo amin'ny fanandroana malagasy. Ny Adijady no eo alohany ary ny Alohotsy no manaraka azy. Ny tapany andrefana amin'ny rindrin-trano avaratra no toerana omena azy[1]. Vintan-dranomaso sy alahelo ny Adalo araka ny finoan-drazana malagasy.

Fiavian' ilay anaranaHanova

Fiavian' ilay anaranaHanova

Avy amin' ny anaran' antokon-kintan' ny zodiaka amin' ny teny arabo hoe ادلو / Al-Dalu ("mpandraraka rano") ny hoe Adalo.

Manondro ny antokon-kintana atao amin' ny teny latina sy anglisy hoe Aquarius na amin' ny teny frantsay hoe Verseau. Amin' ny teny soahily dia atao hoe Dalu na Ndoo io antokon-kintana io. Amin' ny teny maley dia atao hoe Dalwu na Timba ihany koa izy.

 
Antokon-kintan'ny Mpitondra Rano

Ny antokon-kintana Mpitondra Rano sy ny zôdiakaHanova

Mandala eo amin' ny fari-danitry ny antokon-kintana Mpitondra Rano ny masoandro amin' ny 16 Febroary hatramin' ny 11 Marsa. Eo amin' ny 15 Febroary hatramin' ny 14 Marsa ny fari-potoan' ny Mpitondra Rano ao amin' ny zôdiakan-kintana fa amin' ny 21 Janoary hatramin' ny 18 Febroary kosa izany araka ny zôdiaka mikisaka. Ny fanandroana malagasy dia tsy mifanaraka amin' ireo noho izy miandry tsinam-bolana.

Ny vintana AdaloHanova

ToeranyHanova

Ao amin' ny fanandroana malagasy dia vintana fahiraika ambin' ny folo koa ny Adalo ka ny tapany andrefana amin' ny rindrin-trano avaratra no toerana omena azy. Zanabintana ny Adalo. Mifandratra amin' ny Alahasaty sy miarina eo amin' ny Asorontany ny vintana Adalolo. Trotroin' ny renivintana Adijady ny zanabintana Adalo. Ao amin' ny fitetezana andro dia mitondra tonon' andro roa ny Adalo, dia ny vava Adalo (na vavan' Adalo)sy ny vody Adalo (na vodin' Adalo).

FombanyHanova

Vintan-dranomaso sy alahelo ny Adalo araka ny finoan-drazana malagasy.

Vava AdaloHanova

Atahorana ho maty kely ny zaza teraka vava Adalo.

Vody AdaloHanova

Ny zaza teraka vody Adalo dia tsara vintana ihany ka ho tratra antitra na dia manan-toetra malahelohelo aza.

Volana AdaloHanova

Misy amin' ny Malagasy ny mandray ny volana Adalo ho volana fahiraika ambin' ny folo amin' ny taona ao amin' ny tetiandro malagasy (raha ny Alahamady no ataony volana voalohany).

Manomboka amin' ny vava Adaloka miafara amin' ny vody Adijady ny volana Adalo raha misy 28 andro. Raha tsy tsinanam-bolana ny andro aorian' ny vody Adijady dia miafara amin' ny vava Adalo ny volana izay misy 29 andro; raha mbola tsy tsinana aorian' io vava Adalo io dia mifarana amin' ny vody Adalo ny volana izay misy 30 andro.

Jereo koaHanova

Vintana ao amin' ny fanandroana malagasy:

Evan' ny zôdiaka:

Antokon-kintan' ny zôdiaka:

Loharano sy fanamarihanaHanova

  1. "Adalo", ao amin'ny Rakibolana malagasy sy Rakipahalalàna momba an'i Madagasikara.