Hanokatra ny renilisitra
Ny evan'ny Alakaosy

Ny Alakaosy no vintana fahasivy amin'ny fanandroana manaraka ny zodiaka na ny fanandroam-bolana malagasy. Ny Alakarabo no eo alohany ary ny Adijady no manaraka azy.

Fiavian'ilay anaranaHanova

 
Sary maneho ny Alakaosy

Avy amin'ny anaran'antokon-kintan'ny zodiaka amin'ny teny arabo hoe اقوس / Al-Kaus ("mpitifitra tsipika") ny hoe Alakaosy.

Manondro ny antokon-kintana atao amin'ny teny latina sy anglisy hoe Sagittarius na amin'ny teny frantsay hoe Sagittaire io anarana io. Amin'ny teny soahily dia atao hoe Kausi na Mshale io antokon-kintana io. Amin'ny teny maley dia atao hoe Kaus na Pemanah ihany koa izy.

 
Antokon-kintan'ny Alakaosy

Ny antokon-kintana Alakaosy sy ny zodiakaHanova

Ny fotoana andalovan'ny masoandro ao amin'ny fari-danitry ny antokon-kintana Alakaosy dia amin'ny 18 Desambra hatramin'ny 18 Janoary. Eo amin'ny 16 Desambra hatramin'ny 14 Janoary ny fari-potoan'ny Alakaosy ao amin'ny zodiakan-kintana fa amin'ny 22 Novambra hatramin'ny 21 Desambra izany araka ny zodiaka mikisaka. Tsy mifanaraka amin'ireo ny fanandroana malagasy noho izy miandry tsinam-bolana.

Ao amin'ny fanandroana malagasyHanova

Ao amin'ny fanandroana malagasy dia vintana fahasivy koa ny Alakaosy ka ny tapany avaratra amin'ny rindrin-trano andrefana no toerana omena azy. Zanabintana ny Alakaosy. Araka ny finoan-drazana malagasy dia vintana mahery indrindra ny Alakaosy ka raha tsy ahohoka ho faty na alam-bintana (apetraka eo am-bavahadin'omby sns.) ny zaza teraka aminy dia atahorana hahafaty izay lehibe noho izy. Mifandratra amin'ny Adizaoza sady miarina sy miandriana eo amin'ny Asorotany ny Alakaosy.

Misy amin'ny Malagasy ny mandray ny volana Alakaosy ho volana fahasivy amin'ny taona ao amin'ny tetiandro malagasy (raha ny Alahamady no ataony volana voalohany).

Jereo koa:Hanova