Fiteny slava atsinanana
Ny fiteny slava atsinanana dia vondrom-piteny izay mandrafitra zana-pizaràn' ny fianakaviam-piteny slava (miaraka amin' ny fiteny slava atsimo sy ny fiteny slava andrefana), izay ao amin' ny fianakaviambem-piteny indô-eorôpeana. Ny fiteny niraisana izay nampiasaina hatramin' ny taonjato faha-14 dia ny fiteny rosiana antitra. Ny fiteny rosiana, ny fiteny bielôrosiana, ny fiteny rotena na rosina ary ny fiteny okrainiana dia ao amin' ny fianakaviam-piteny slava atsinanana.
Fitsinjaran' ny mpiteny slava atsinanana
hanovaFiteny rosiana
hanovaNy fiteny rosiana dia fiteny slava tenenina any amin' ny repoblika tany amin' ny Firaisana Sôvietika taloha. Io no fiteny ôfisialin' i Rosia. Mbola ampiasaina ho fiteny faharoa ao amin' ny repoblika sôvietika maro taloha ny fiteny rosiana. Manana sata ôfisialy any Rosia, any Kazakstana, any Kirgizistana ary any Belarosia ny fiteny rosiana. Noho ny tanjaka ara-tafiky ny Firaisana Sôvietika taloha dia anisan' ny fiteny ôfisiain' ny Firenena Mikambana ny fiteny rosiana miaraka amin' ny fiteny arabo, anglisy, espaniôla, frantsay ary sinoa.
Manana mpiteny 255 tapitrisa ny fiteny rosiana, indrindra any Rosia, any amin' ny Faritra Baltika, any Belarosia, any Okraina, any Môldavia, any Kazakstana ary any amin' ny repoblika sôvietika maro teo aloha.
Fiteny okrainiana
hanovaManana mpiteny 41 tapitrisa ny fiteny okrainiana, indrindra any Okraina, any Môldavia, any Pôlônia ary any Slôvakia, ary koa any Rosia sy Kazakstana.
Fiteny rosina
hanovaMisy ny milaza fa fiteny mahaleo tena ny fiteny rosina, fa misy koa ny milaza fa endriky ny fiteny okrainiana ihany izy. Manana ny satan' ny fitenin' ny vitsy anisa, indrindra ao Slôvakia ao amin' ny faritr' i Prešov, ity fiteny ity. Misy mpiteny 630 230 ny fiteny rosina, any Krôasia, any Tsekia, any Hôngria, any Pôlônia, any Serbia ary any Slôvakia.
Fiteny belarosiana
hanovaNy fiteny belarôsiana na fiteny bielôrosiana dia tenenina ao Bielôrosia, izay manao azy ho fiteny ôfisialy (miaraka amin' ny fiteny rosiana izay manjaka amin' ny sehatra ara-panjakana an-tanan-dehibe). Misy mpiteny bielôrosiana koa ny ao Pôlônia sy ny ao amin' ny vahoaka mpifindra monina (indrindra any Kanadà). Manana mpiteny 14 tapitrisa ny fiteny belarosiana, indrindra any Belarosia sy any Pôlônia.