Salamo faha-96

Ny Salamo faha-96 dia salamo ao amin' ny Bokin' ny Salamo ao amin' ny Baiboly. Tafiditra ao amin' ny fizaràna atao hoe "boky fahefetra" (Sal. 90 -106) ity salamo ity. Ny Salamo faha-95 no eo alohany ary ny faha-97 no manaraka azy.

Lahatsoratra

Dikan-teny katôlika

¹Mihirà fihiram-baovao ho an'ny Tompo!

Mihirà ho an'ny Tompo hianareo monina amin'ny tany rehetra.

      ²Mihirà ho an'ny Tompo, misaora ny anarany.

Lazao isan'andro ny famonjeny,

      ³ambarao amin'ny firenena ny voninahiny,

ary amin'ny firenena rehetra ny fahagagany.

      ⁴Fa lehibe Iaveh sy mendrika ny fiderana rehetra,

mahatahotra mihoatra noho izay andriamanitra rehetra izy,

      ⁵fa tsinontsinona avokoa ny andriamanitry ny firenena.

Fa Iaveh no nanao ny lanitra.

      ⁶Manoloana azy ny famirapiratana amam-pahalehibiazana;

ao amin'ny fitoerany masina ny hery amam-piandrianana.

      ⁷Manomeza an'ny Tompo, ry fokom-pirenena rehetra,

manomeza voninahitra amam-pahefana an'ny Tompo.

      ⁸Omeo an'ny Tompo ny voninahitra mendrika ny anarany.

Mitondra ny fanatitra, ka mankanesa eo an-kianjany.

      ⁹Miankohofa eo anatrehan'ny Tompo amin'ny fanamiana masina,

mangovita eo anatrehany hianareo monina amin'ny tany rehetra!

      ¹⁰Lazao eo amin'ny firenena hoe: ny Tompo no mpanjaka;

ka hitoetra sy tsy hietsiketsika izao tontolo izao;

hitsara ny vahoaka araka ny rariny izy,

      ¹¹Aoka hifaly ny lanitra,

sy hiravoravo ny tany.

Aoka hisebiseby ny ranomasina mbamin'izay rehetra ao aminy;

      ¹²aoka ho miramirana ny saha mbamin'izay rehetra ao aminy,

aoka hihoby ny hazo rehetra any an'ala,

      ¹³eo anatrehan'ny Tompo fa avy izy.

Avy hitsara ny tany izy; hitsara izao tontolo izao araka ny rariny izy,

ary ny firenena, araka ny fahamarinany.

Jereo koa

• Boky voalohany: Sal. 1 - 2 - 3 - 4 - 5 - 6 - 7 - 8 - 9 - 10 - 11 - 12 - 13 - 14 - 15 - 16 - 17 - 18 - 19 - 20 - 21 - 22 - 23 - 24 - 25 - 26 - 27 - 28 - 29 - 30 - 31 - 32 - 33 - 34 - 35 - 36 - 37 - 38 - 39 - 40 - 41.

• Boky faharoa: Sal. 42 - 43 - 44 - 45 - 46 - 47 - 48 - 49 - 50 - 51 - 52 - 53 - 54 - 55 - 56 - 57 - 58 - 59 - 60 - 61 - 62 - 63 - 64 - 65 - 66 - 67 - 68 - 69 - 70 - 71 - 72.
• Boky fahatelo: Sal. 73 - 74 - 75 - 76 - 77 - 78 - 79 - 80 - 81 - 82 - 83 - 84 - 85 - 86 - 87 - 89.
• Boky fahefatra: Sal. 90 - 91 - 92 - 93 - 94 - 95 - 96 - 97 - 98 - 99 - 100 - 101 - 102 - 103 - 104 - 105 - 106.
• Boky fahadimy: Sal. 107 108 - 109 - 110 - 111 - 112 - 113 - 114 - 115 - 116 - 117 - 118 - 119 - 120 - 121 - 122 - 123 - 124 - 125 - 126 - 127 - 128 - 129 - 130 - 131 - 132 - 133 - 134 - 135 - 136 - 137 - 138 - 139 - 140 - 141 - 142 - 143 - 144 - 145 - 146 - 149 - 150.

• Salamo apôkrifa: Salamo faha-151 - Salamo faha-152 hatramin' ny faha-155.