Salamo faha-94

Ny Salamo faha-94 dia salamo ao amin' ny Bokin' ny Salamo ao amin' ny Baiboly. Tafiditra ao amin' ny fizaràna atao hoe "boky fahefetra" (Sal. 90 -106) ity salamo ity. Ny Salamo faha-93 no eo alohany ary ny faha-95 no manaraka azy.

Lahatsoratra

Dikan-teny katôlika

¹Ry Iaveh, Andriamanitry ny famaliana,

ry Andriamanitry ny famaliana, misehoa!

      ²Mitsangàna, ry mpitsara ny tany,

valio, araka ny asany, ny mpiavonavona.

      ³Mandra-pahoviana no handresen'ny ratsy fanahy?

      ⁴Mandefa teny avonavona tsy erany izy,

mirehareha avokoa ireo mpanao ratsy.

      ⁵Iaveh ô, izy ireo dia manorotoro ny vahoakanao,

mampahory ny lovanao,

      ⁶mamono ny mpitondratena sy ny vahiny,

mahafaty ny kamboty,

      ⁷ka manao hoe: Tsy mijery akory Iaveh,

tsy asian'Andriamantr'i Jakoba raharaha akory izany!

      ⁸Mba fantaro kely, ry zana-bahoaka adala!

Rahoviana no mba hanana fahalalana hianareo, ry adala?

      ⁹Tsy handre va ilay namboly ny sofina?

Tsy hahita va ilay namorona ny maso?

      ¹⁰Tsy hamay va ilay manasazy ny firenena?

Tsy hahalala va, ilay manome saina ny olona?

      ¹¹Mahalala ny hevitry ny olombelona Iaveh,

ary fantany fa zava-poana izany.

      ¹²Sambatra ny olona ampianarinao, ry Iaveh,

sady omenao fampianarana ny lalànao,

      ¹³mba hanonenao azy amin'ny andron'ny fahoriana,

mandra-pahavoahady ny lavaka ho an'ny ratsy fanahy.

      ¹⁴Fa tsy hanary ny vahoakany Iaveh,

tsy hahafoy ny lovany izy;

      ¹⁵fa tsy maintsy hifanaraka amin'ny rariny indray ny fitsarana,

ary hihoby amin'izany avokoa ny olona mahitsy fo.

      ¹⁶Iza no hitsangana ho ahy, hanohitra ny ratsy fanahy?

Iza no hanohana ahy, hanohitra ireo manao ratsy?

      ¹⁷Raha tsy Iaveh no vonjiko,

dia halaky mitoetra any amin'ny fonenan'ny fahanginginana ny fanahiko.

      ¹⁸Raha vao milaza aho hoe: Mangozohozo ny tongotro,

dia tohanan'ny hatsaram-ponao, ry Iaveh!

      ¹⁹Raha akorontan'ny ahiahy marobe ny saiko:

Ampifalian'ny fampiononanao kosa ny fanahiko.

      ²⁰Manam-pikambanana aminao akory va, ny fitsarana mandoza,

izay manao ratsy, manaraka ny fomba fitsarana tsy ara-dalana?

      ²¹Midodododo hamono aina ny marina izy ireo;

ary manameloka ny ra tsy manan-tsiny.

      ²²Iaveh anefa no trano mimandako,

ny Andriamanitro no vatolampy ialofako.

      ²³Hataony mifotitra amin'ireny ny helony;

ary ny haratsiany ihany, no handringanany azy ireny:

haringan'ny Tompo Andriamanitra izy!

Jereo koa

• Boky voalohany: Sal. 1 - 2 - 3 - 4 - 5 - 6 - 7 - 8 - 9 - 10 - 11 - 12 - 13 - 14 - 15 - 16 - 17 - 18 - 19 - 20 - 21 - 22 - 23 - 24 - 25 - 26 - 27 - 28 - 29 - 30 - 31 - 32 - 33 - 34 - 35 - 36 - 37 - 38 - 39 - 40 - 41.

• Boky faharoa: Sal. 42 - 43 - 44 - 45 - 46 - 47 - 48 - 49 - 50 - 51 - 52 - 53 - 54 - 55 - 56 - 57 - 58 - 59 - 60 - 61 - 62 - 63 - 64 - 65 - 66 - 67 - 68 - 69 - 70 - 71 - 72.
• Boky fahatelo: Sal. 73 - 74 - 75 - 76 - 77 - 78 - 79 - 80 - 81 - 82 - 83 - 84 - 85 - 86 - 87 - 89.
• Boky fahefatra: Sal. 90 - 91 - 92 - 93 - 94 - 95 - 96 - 97 - 98 - 99 - 100 - 101 - 102 - 103 - 104 - 105 - 106.
• Boky fahadimy: Sal. 107 108 - 109 - 110 - 111 - 112 - 113 - 114 - 115 - 116 - 117 - 118 - 119 - 120 - 121 - 122 - 123 - 124 - 125 - 126 - 127 - 128 - 129 - 130 - 131 - 132 - 133 - 134 - 135 - 136 - 137 - 138 - 139 - 140 - 141 - 142 - 143 - 144 - 145 - 146 - 149 - 150.

• Salamo apôkrifa: Salamo faha-151 - Salamo faha-152 hatramin' ny faha-155.