Sorinama

I Sorinama na Sorinamy dia firenena ao Amerika Atsimo manana morontsiraka ao amin' ny Ranomasimbe Atlantika. I Paramaribo no renivohiny sady tanàna lehibe indrindra any. Ny faritr' ora dia -3. Mirefy 163 821 km² ny velarany ary miisa 566 846 ny mponina ao aminy araka ny fanisana natao tamin' ny taona 2013.

Firenena mifanolo-bodirindrina

Sarin-tanin' i Sorinama

Sorinamea dia eo anelanelan'i Goiana sy Goiana Frantsay eo amin'ny morontsiraka Atlantika Amerika Atsimo. Manamorona an'i Brezila any atsimo ny firenena

Mponina

Misy vondrom-poko maromaro ny ao Sorinama: ny Indô-Pakistaney (mihoatra ny 27.4 %), ny Kreôla (mahery kelin' ny 21,7 %), ny Indôneziana (13.7 %) ary ny Afrikana mainty hoditra (15.7 %), 13,4% eo ho eo, 7,6% ny vondrona hafa, toy ny Sinoa, Arabo (Kristianina Syriana, Palestiniana ary Libaney), Eoropeana ary vazimba teratany.

Ny hindoisma sy ny kristianisma ary ny silamo no fivavahana be mpanaraka any.

Ny vohon-tanin' i Sorinama dia ahitana lemaka amorontsiraka be honahona any avaratra, sy lembalemba ao afovoan-tany, ary faritra be tendrombohitra rakotra ala mikitroka any atsimo. Renirano maro no mamakivaky an' ity firenena ity.

Zanatany neerlandey taloha i Sorinama izay nahazo ny fahalevan-tenany tamin' ny taona 1975.

Toekarena

Ankapobeny: Tamin'ny fotoan'ny fanjanahantany, Sorinama angamba no zanatany fambolen-kazo nahazo tombony be indrindra tany Nederlandy, ary naondrana indrindra ny siramamy.

Ankoatra ny volamena dia aondrana ihany koa ny menaka mineraly, ny solika, ny hazo, ny vary, ny akondro ary ny trondro.

Mandra-pahatongan'ny taona 2015 dia nanana anjara fanondranana lehibe ny baoksita.

Ny harin-karena faobe isan-kapita dia 6.333 dolara amerikana tamin'ny taona 2016, izay mametraka ny haavon'ny fanambinana eo amin'ny faritra afovoany amin'ireo firenena any Amerika Atsimo.

Namokatra ambim-bola tokony ho 1,2 lavitrisa dolara teo anelanelan'ny taona 2004 sy 2008 i Sorinama. Ny akora volamena, menaka ary baoksita dia nanome 81% amin'ny fidiram-bolan'ny fanondranana rehetra tamin'ireo taona ireo. Ny volamena izao no manana anjara lehibe indrindra amin'ny fanondranana (hatramin'ny taona 2021)

Ny toekaren' i Sorinama dia mifototra amin' ny harena an-kibon' ny tany (baoksita, vy, varahina, volamena ary nikela) ary koa amin' ny fitrandrahana hazo ao amin' ny ala midadasika.

Tetibolam-panjakana

Tamin’ny taona 2016, tafiditra ao anatin’ny tetibolam-panjakana ny fandaniana mitentina 664 tapitrisa dolara, raha oharina amin’ny vola miditra mitentina 470 tapitrisa dolara.

Izany dia miteraka tsy fahampian'ny tetibola 5,4% amin'ny harin-karena faobe. Ny trosa nasionaly dia 660 tapitrisa dolara tamin'ny taona 2005, na 37,0% amin'ny harin-karena faobe.

Ny anjaran'ny fandaniam-panjakana (2019, amin'ny %-n'ny harin-karena faobe):

Fahasalamana: 6,8%
Fampianarana: 5,0%
Miaramila: 1,2% (2019)

Rafitra fitantanana

Mizara ho distrika folo i Soriname:

Brokopondo, 15.909 mpoina, 7364 km² (Brokopondo)
Commewijne, 31.420 mpoina, 2353 km² (Nieuw Amsterdam)
Coronie, 3391 mpoina, 3902 km² (Totness)
Marowijne, 18.294 mpoiuna, 4627 km² (Albina)
Nickerie, 34.233 mpoina, 5353 km² (Nieuw-Nickerie)
Para, 24.700 mpoina, 5393 km² (Onverwacht)
Saramacca, 17.480 mpoina, 3636 km² (Groningen)
Sipaliwini, 37.065 mpoina, 130.567 km² (tantanin'ny Paramaribo)
Wanica, 118.222 mpoina, 443 km² (Lelydorp)
Paramaribo, 240.924 mpoina, 182 km² (Renivohitra)

(amin'ny fitambarany: 541.638 mpoina; Census 2012)

Jereo koa

Firenena ao Amerika: Antigoa-sy-Barboda - Arjentina - Bahamasy - Barbady - Belizy - Bôlivia - Brezila - Dôminika - Ekoadôra - Etazonia - Goatemala - Goiana - Grenady - Haity -Hôndorasy - Jamaîka - Kanada - Kioba - Kôlômbia - Kôsta Rika - Meksika - Nikaragoa - Orogoay - Panama - Paragoay - Però - Pôrtô Rikô - Repoblika Dôminikana - Salvadôro - Santa Losia - Santa-Kity-sy-Nevisy - Santa-Vinsanta-sy-Grenadina - Silia - Sorinama - Trinite-sy-Tôbagô -Venezoela

Kôntinenta eto an-tany: Afrika - Amerika (Amerika Avaratra - Amerika Atsimo) - Azia - Eorôpa - Ôseania - Antarktika

I Wikimedia Commons dia manana aino aman-jery mikasika an'i : Suriname