India Atsinanana (faritra)

I India Atsinanana, amin' ny hevitra malalak' io andian-teny io, dia ny tany samihafa any Atsinanana na any amin' ny Ila-Bolantany Atsinanana, indrindra fa ny nosy sy tangoro-nosy ary tanibe hitan' ny Pôrtiogey mpikaroka tany ao amin' ny Ranomasimbe Indiana sy ny manodidina, taoriana kelin' ny nahitana ny Lalalan' i Cape. Amin' ny heviny tery, io andian-teny io dia nampiasaina hanondroana ny Vondronosy Malay, izay ahitana ny Vondronosy Filipina, Vondronosy Indôneziana, i Bôrneô, ary i Ginea Vaovao. Ara-tantara, io andian-teny io dia nampiasaina tamin' ny vanim-potoanan' ny Fahitana Tany Vaovao mba hilazana ny morontsirak' ireo tany ireo, anisan' izany ny Zana-kôntinanta Indiana sy ny Saikinosy Indôsinoa miaraka amin' ny Vondronosy Malay.

Ny hoe "India Atsinanana" dia teny nampiasain' ny Eorôpeana nandritra ny fanjanahantany mba hanondroana ny tany maro any Azia Atsimo sy Azia Atsimo-Atsinanana, izany hoe ny Balotsistàna Iraniana ankehitriny, i Pakistàna, i India, i Nepaly, i Botàna, i Bangladesy, i Birmania, i Srilanka, i Maldiva, i Tailandy, i Malezia, Vietnamy, i Kambôja, i Laôsy, i Filipina, i Broney, i Singaporo, i Timôro Atsinanana ary i Indônezia (fantatra amin' ny anarana hoe India Atsinanana Neerlandey talohan' ny fahaleovantenany), afa-tsy i Ginea-Vaovao Andrefana, izay anisan' i Melanezia.

Nizara roa i India Atsinanana, ka ny vavan' i Ganges no manasaraka ny ampahany roa: i India Sisganzetika, izay antsoina ankehitriny hoe Azia Atsimo na Zana-kôntinenta Indiana, ary i India Transganzetika, izay antsoina ankehitriny hoe Azia Atsimo-Atsinanana.

Nanomboka nandeha tany amin' ireo faritany ireo ny Eorôpeana tamin' ny taonjato faha-16, tamin' ny vanim-potoan' ny "fahitana tany vaovao".

Jereo koa

Vereenigde Oostindische Compagnie