Fianakaviam-piteny torkika

Fitsinjarana ara-jeografia ny fiteny torkika

Ny fiteny torkika dia fianakaviam-piteny ahitana fiteny miisa manodidina ny 30 mitsinjara ao amiln'ny faritra malalaka izay mivelatra avy any Eoropa Atsinanana ka hatrany andrefan'i Sina sy avy any Kiprosy (na Sipra) hatrany Siberia, ka ny fiteny torka sy fiteny azery ary ny fiteny ozbeka no be mpiteny indrinbdra amin'izany. Tombanana any amin'ny 200 000 000 any ho any ny isan'ny olona miteny azy ireo ho fiteny nibeazana, ary an-tapitrisany maro ny mampiasa azy ho fiteny faharoa. Ny fianakaviam-piteny torkika dia matetika ampifanakaikezina amin'ny fianakaviam-piteny mongolika sy ny fianakaviam-piteny tongoza ao amin'ny fianakaviambem-piteny altaika, nefa iadia-kevitra fatratra izany famondonana izany.

Isan'ny toetran'ny fiteny torkika ny rafi-pehezanteny LFM (Lazaina - Fameno - Matoanteny), ny rindran-janapeo, ny fanakambanana tsirinteny maro (tovona) ary ny tsy fisian'ny kilasin'anarana sy kilahivavy. Ireo toetra famaritana ireo dia matetika itoviany amin'ireo fiteny mongoly sy ireo fiteny tongoza, ary amin'ny fiteny koreana sy ny fiteny japoney ary ny fiteny aino. Ireo fiteny tabnisaina farany ireo dia heverin'ny mpahay teny sasany ho mpihavana amin'ny fiteny torkika ao amin'ny fianakaviam-piteny mahafaoka kokoa izay nomena ny anarana hoe fiteny altaika.

Ieto avy ny fiteny lehibe ao amin'io fianakaviam-piteny io miaraka amin'ny isan'ny olona miteny azy avy:

  • Fiteny torka : 75-90 tapitrisa
  • Fiteny azery : 25 tapitrisa
  • Fiteny ozbeka : 25 tapitrisa
  • Fiteny kazàka : 16 tapitrisa
  • Fiteny oigora : 10 tapitrisa
  • Fiteny tatara : 7 tapitrisa
  • Fiteny torkmena : 7 tapitrisa
  • Fiteny kirgizy : 4 tapitrisa
  • Fiteny baskira : 2 tapitrisa
  • Fiteny tsovasa : 2 tapitrisa