Faosa

Ny Faosa dia iray amin'ireo volana malagasy mitondra anarana avy amin'ny teny sanskrita. Ny volana Volasira no eo alohany ary ny Volamaka kosa no eo aoriany. Misy koa ny Malagasy manao hoe Volamposa, Fosa, Volapaosa, Ifosa na Volampaosa. Amin'ny faritry ny Bara sy ny Vezo sy ny Masikoro ary Sakalava dia mampiasa teny hafa, dia ny hoe Beray na Zaray. Na dia mampiasa teny mitovy na mitovitovy aza ny isam-paritra dia mety samihafa ny fari-potoana ao amin'ny taona tondroina amin'io teny io arakaraka ny faritra eto Madagasikara.

Amin'ny Bara dia volana mifandrify amin'ny volana Marsa ny Faosa ary volana fahatelo amin'ny Sihanaka ny Volamposa (Rakotosaona 1972) izay soratana hoe Volaposa koa. Ny Beray dia volana fahatelo (Richardson, 1885) ary mifanandrify amin'ny volana Marsa amin'ny Antankarana (David, 1952).

Jereo koa

Anaram-bolana malagasy avy amin'ny teny sanskrity:

• Hatsiha - Volasira - Faosa - Volamaka - Hiahia - Sakamasay - Volambita - Sakave - Asaramantsina - Asaramanitra - Asotry - Vatravatra.

Anaram-bolana malagasy avy amin'ny teny arabo:

• Alahamady - Adaoro - Adizaoza - Asorotany - Alahasaty - Asombola - Adimizana - Alakarabo - Alakaosy - Adijady - Adalo - Alohotsy

Samihafa

• Tetiandro malagasy

Boky azo anovozan-kevitra

• Rakotosaona, Rakibolana, 1972/1975 (tsy voatonta).
• Deschamps Hubert, Le dialecte Antaisaka, Imprimerie Moderne de l'Emyrne. 1936.
• David sy Irrigaray, Lexique des dialectes du Nord de Madagascar, 1952.
• Richardson James (Rev.), A New Malagasy-English Dictionary, The London Missionary Society, Antananarivo, 1885. Reprinted in 1967 by Gregg Press Limited, 1 Westmead, Farnborough, Hants., England, 1885
• Gwyn Campbell, David Griffiths and the Missionary "History of Madagascar", 2012,
• William Ellis, History of Madagascar: Comprising Also the Progress of the Christian Mission Established in 1818 ..., 1838.