Artakerksesy dia anarana nampitondraina ireo mpajaka lehibe persiana tao amin'ny fianakavia-mpajaka akemenida. Atao hoe Ἀρταξέρξης, / Artaksérksês io anarana io amin'ny teny grika, izay avy amin'ny anarana amin'ny teny persana tranainy hoe Artaxšacā. (amin'ny teny persana: اردشیر یکم / Ardeshir). Ho an'ny Egiptiana dia manondro ireo farao tamin'ny dinastia faha-27 sy faha-31 izany. Ireto avy ireo Artakserksesy ireo:

Artakserksesy ara-tantaraHanova

Artakserksesy IHanova

I Artakserksesy I dia nanjaka tamin'ny taona 465 hatramin'ny 424 tal; J.K. I Manetona dia mihevitra fa nanjaka 41 taona izy. I Kserksesy I no nodimbiasiny ary i Kserksesy II no nandimby azy.

Artakserksesy IIHanova

I Artakserksesy II dia najaka tamin'ny taona 404 hatramin'ny taona 358 tal. J.K. Izy no nanjaka maharitra indrindra tamin'ireo Akemenida. Lasa mpanjakan'i Egipta izy tamin'ny taona 404 hatramin'ny 402 tal. J.K. talohan'ny fikomian'ny Egiptiana. I Dariosy II no teo alohany ary i Artakserksesy III no nandimby azy.

Artakserksesy IIIHanova

I Artakserksesy III dia nanjaka teo anelanelan'ny taona 358 sy 338 tal. J.K. I Artakserksesy II no nodimbiasiny ary i Arsesy (na Artakserksesy IV) no nandimby azy.

Artakserksesy IVHanova

I Artakserksesy IV, izay antsoina hoe Arsesy koa, dia nanjaka tamin'ny taona 338 sy 336 tal. J.K. I Artakserksesy III no teo alohany ary i Dariosy III no nandimby azy.

Artakserksesy VHanova

I Artakserksesy V, izay atao hoe Besosy, dia satrapan'i Baktriana tamin'ny nanjakan'i Dariosy III. Nanandratra ny tenany ho mpanjaka izy ka nitondra io anarana Artakserksesy io rehefa avy namono an'i Dariosy III tamin'ny taona 330 tal. J.K. nefa nosamborin'i Aleksandra Lehibe sy nampamonoiny tamin'ny taona 329 tal. J.K.

Artakserksesy ao amin'ny BaibolyHanova

Ny Bokin'i Ezra (na Bokin'i Esdrasa) sy ny Bokin'i Nehemia ao amin'ny Baiboly dia miresaka ny amin'ny olona atao hoe "Artakserksesy, mpanjakan'i Persia" nefa tsy fantatra marina hoe iza amin'ireo Artakserksesy ireo io lazaina io. Ny mpahay tantara sasany dia milaza fa i Artakserksesy I izany, nefa ny hafa koa dia milaza fa i Artakserksesy II no izy.

Ao amin'ny Bokin'i Ezra dia nanome alalana an'i Ezra hody any Jerosalema avy any Babilona nahababoana i Artakserksesy ka naniraka azy ho governora hisahana ny raharaha ara-piarahamonina sy ara-pivavahana ao amin'ny vahoaka jiosy. Nandao an'i Babilona i Ezra tamin'ny fahafito taonan'ny nanjakan'i Artakserksesy sady nitarika Jiosy nahitana mpisorona sy Levita nankany Jerosalema. Araka ny Bokin'i Nehemia dia nahazo alalana tamin'ny mpanjaka Artakserksesy koa i Nehemia hody any Jerosalema.