Vola misy sary izay angamba ny an'i Arsesy

I Arsesy na Artakserksesy IV dia mpajaka persiana tao amin'ny fianakavia-mpajaka akemenida, izay nanjaka tamin'ny taona 338 sy 336 tal. J.K. I Artakserksesy III no teo alohany ary i Dariosy III no nandimby azy. Atao hoe Ἀρταξέρξης, / Artaksérksês io anarana io amin'ny teny grika, izay avy amin'ny anarana amin'ny teny persiana tranainy hoe Artaxšacā. (amin'ny teny persana: اردشیر یکم / Ardeshir). I Arsesy dia zanak'i Artakserksesy III zandriny indrindra tamin'ny vadiny atao hoe Atôsa.

Ny eonoka Bagoasy, mpiambina an'i Artakserksesy III sy namono azy mbamin'ny ankamaroan'ny havany, no nametraka azy teo amin'ny fitondrana. Tsy nahafehy an'i Egipta i Arsesy ka nisy tompontany atao hoe Kababasy izay nitonon-tena ho faraôna tao Egipta Ambony. Nandritra ny fanapahan'i Arsesy dia nanomboka ny adin-tafika tamin'i Makedonia notarihin'i Filiposy II (taona 359 - 336 tal. J.K.) tao amin'ireo sisintany andrefana aloha, avy eo notohizan'i Aleksandra Lehibe (taona 336 - 323 tal. J.K.).

Nikasa hamono an'i Bagoasy i Arsesy nefa ny an'i Bagoasy no tonga aloha ka nahafaty ilay emperora tamin'ny fanapoizinana. Nametraka an'i Dariosy III teo amin'ny fitondrana amin'izay i Bagoasy nefa namono azy ity emperora vaovao ity rfehefa avy eo.

Jereo koaHanova

Ireo mpanjaka persiana akemenida:

Akemenesy - Teispesy - Kirosy I - Ariaramnesy - Kambisesy I - Arsamesy - Kirosy II Lehibe - Kambisesy II - Bardià - Dariosy I - Kserksesy I - Artakserksesy I - Kserksesy II - Sôgdianosy - Dariosy II - Artakserksesy II - Artakserksesy III - Arsesy - Dariosy III.