Asabotsy

(tonga teto avy amin'ny Sabotsy)

Ny Asabotsy na Sabotsy dia andro fahenina ao amin' ny herinandro manomboka amin' ny andro Alatsinainy, fa andro fahafito kosa ao amin' ny herinandro manomboka amin' ny andro Alahady. Amin' ny Malagasy mandala ny nentin-drazana dia andro fahatelo izy raha manomboka amin' ny Alakamisy ny herinandro.

Fiforonan-teny hanova

Ny teny malagasy hoe Asabotsy na Sabotsy dia avy amin' ny teny arabo hoe السبت / as-sabt izay avy amin' ny teny hebreo hoe שָׁבַת / shabbat na avy amin' ny teny hebreo hoe shabbos izay samy manondro ny andro Asabotsy sady midika hoe "andro fitsaharana" na "andro fialan-tsasatra" (jereo: Sabata).

Ny andro Asabotsy eo amin' ny kolontsaina malagasy hanova

Laharan' ny Asabotsy ao amin' ny herinandro hanova

Amin' ny Ntaolo malagasy dia andro fahatelo ny Asabotsy raha manomboka amin' ny Alakamisy ny herinandro.

Ny finoana momba ny andro Asabotsy hanova

Andro mibontsina ny Asabotsy ka fitomaniana ny maty sady fanaovana ny famoizana sy afana[1].

Ny Asabotsy mifoha Alahady (izany hoe Asabotsy alina), toy ny Alarobia mifoha Alakamisy, dia natao ho fotoana tsara fanaovan-javatra lehibe: raha mandeha hivahiny lavitra dia kendrena ny hahatongavana Asabotsy alina, ka ny marain' ny Alahady no manao izay tokony hatao ao amin' ilay toerana aleha[2].

Ohabolana momba ny Asabotsy hanova

  • Zoma tsy hendry, ka Asabotsy vao fiharatra.

Jereo koa hanova

Loharano sy fanamarihana hanova

  1. "Asabotsy", Régis Rajemisa Raolison, Rakibolana malagasy, 1985.
  2. "Alarobia", H. Rabeony sy ny namany, Firaketana ny fiteny sy ny zavatra malagasy, 1937-1963.