Alatsinainy

Ny Alatsinainy dia andro voalohany amin' ny herinandro na andro faharoa raha manomboka amin' ny andro Alahady ny fanisana ny andro. Ho an' ny Malagasy mandala ny nentin-drazana dia andro fahadimy izy raha manomboka amin' ny Alakamisy ny herinandro.

Fiavian' ny teny hoe Alatsinaniny

Ny teny malagasy hoe Alatsinainy na Latsinainy na Tinainy dia avy amin' ny teny arabo hoe الإثنين / al-ithnayn izay midika hoe "ny faharoa".

Ny andro Alatsinainy ao amin' ny kolontsaina malagasy

Laharan' ny Alatsinainy

Andro fahadimy tamin' ny Ntaolo, manao ny andro Alakamisy ho andro valohany, ny Alatsinainy^[1].

Finoana momba ny andro Alatsinainy

Andro mafy sy mainty ny Alatsinainy: andro fandevenana, tsy isantaran-javatra. Fady ny mandefa tafika Alatsinainy, fa andro mahamafy ny ady sy ny fandravana. Tsy azo atao ny misanta-draharaha na manomboka asa amin' ny andro Alatsinainy. Ny zavatra hamafisina na amboarina amin' ny trano, na ny tokantrano, ny fihavanana, dia atao amin' ny Alatsinainy^[1].

Jereo koa

Talata - Alarobia - Alakamisy - Zoma - Asabotsy - Alahady

Tetiandro gregôriana: Janoary, Febroary, Marsa, Avrily, Mey, Jona, Jolay, Aogositra, Septambra, Ôktôbra, Nôvambra, Desambra.

Loharano sy fanamarihana

↑ ^1,0 et ^1,1 "Alatsinainy", H. Rabeony sy ny namany, Firaketana ny fiteny sy ny zavatra malagasy, 1937-1963.

[:0-1] 1,0 et ^1,1 "Alatsinainy", H. Rabeony sy ny namany, Firaketana ny fiteny sy ny zavatra malagasy, 1937-1963.

[1]