Fiteny ao Nizera
Ny fiteny ao Nizera dia ao amin' ny fianakaviam-piteny maro ao Afrika sy avy any Eorôpa, izay ahitana fiteny hamitô-semitika (fiteny haosa, fiteny amaziga, fiteny arabo, fiteny tamaseka), fiteny nilô-sahariana (fiteny zarma, fiteny sôngay, fiteny kanory, fiteny dendy), fiteny nizerô-kôngôley (fiteny folany, fiteny môre na môsy) sy fiteny indô-eorôpeana (fiteny frantsay, fiteny anglisy).
.jpg)
Ny fiteny ôfisialin' i Nizera dia ny fiteny frantsay. Mpikambana ao amin' ny Antenimieran' ny Frankôfônia sy ao amin' ny Fikambanana Iraisam-Pirenena momba ny Frankôfônia i Nizera.
Fiteny ôfisialy sy fitenim-pirenena
hanovaFiteny ôfisialy
hanovaNy fiteny frantsay, izay nolovaina tamin' ny fanjanahantany, no fiteny ôfisialy ao Nizera. Ny fiteny faharoa no tena ampiasain' ny olona nahita fianarana (20 % amin' ny Nizeriena no mahay mamaky teny frantsay, 47 % izany any an-tanàn-dehibe). Na dia mbola vitsy isanjaton' ny mponina aza ny Nizeriena nahita fianarana, ny teny frantsay no fiteny ampiasaina amin' ny fitantanan-draharaha ôfisialy (fitsarana, governemanta, sns.), ny haino aman-jery ary ny tontolon' ny fandraharahana.
Fitenim-pirenena
hanova
Ny "fiteny folo an' ny vondrom-piarahamonina mandrafitra ny firenena nizeriana", ary noho izany dia fiteny teratany, dia ny fiteny haosa (55 %), ny fiteny zarma (20,8 %), ny fiteny sôngay (4, 7 %), ny fiteny tamaseka (8,4 %), ny fiteny folany (8,3 %), ny fiteny kanory (4,8 %), ny fiteny arabom-paritra (1,2 %), ny fiteny bodoma, ny fiteny gormantse, ny fiteny tasaoaka ary ny fiteny tobo.
Antontanisa
hanovaFiteny be mpampiasa
hanovaTamin' ny taona 2010, ny fiteny be mpampiasa indrindra dia:
- ny fiteny haosa (47,2 %), fiteny hamitô-semitika, tenenina ao Afrika Andrefana sy ao Afrika Afovoany;
- ny fiteny zarma (18,2 %), fiteny nilô-sahariana;
- ny fiteny folany (8,3 %), fiteny nizerô-kôngôley;
- ny fiteny sôngay (5,2 %), fiteny nilô-sahariana;
- ny fiteny amaziga (4,8 %), fiteny hamitô-semitika;
- ny fiteny kanory (4,2 %), fiteny nilô-sahariana;
- ny fiteny arabo alzeriana (3,4 %), fiteny hamitô-semitika;
- ny fiteny môre na môsy (0,9 %), fiteny nizerô-kôngôley;
- ny fiteny tamaseka (0,7 %), fiteny hamitô-semitika;
- ny fiteny dendy (0,5 %), fiteny nilô-sahariana.
Fiteny vitsy mpampiasa
hanovaFanampin' ireo koa ny fiteny gormantse, ny fiteny tobo ary ny fiteny bodoma, izay fiteny ampiasain' ny ampahany kely amin' ny mponina. Ao koa ny fiteny anglisy, satria ny Haosa avy any Nizeria mipetraka ao Nizera, ary lehibe ny fifanakalozana eo amin' ny firenena roa tonta.
Lositry ny fiteny
hanovaInty ny lisitry ny fiteny ampiasaina ao Nizera: