Fiteny baltô-slava

(tonga teto avy amin'ny Vondrom-piteny baltô-slava)

Ny fiteny baltô-slava dia vondrom-piteny ao amin'ny fianakaviam-piteny indô-eorôpeana, izay misampana roa, ka ahitana ireo fiteny balta sy ireo fiteny slava.

Maitso: fiteny slava atsinanana; maitso tanora: fiteny slava andrefana; maitso antitra: fiteny slava atsimo; mavo: fiteny balta (atsinanana).

Ny fiteny slava dia ahitana ny fiteny rosiana, ny fiteny belarosiana, ny fiteny rosina (na rotena), ny fiteny okrainiana, ny fiteny tseka, ny fiteny slôvàka, ny fiteny sôraba, ny fiteny pôlôney, ny fiteny kasoba, ny fiteny pôlaba, ny fiteny slôvinka, ny fiteny silesiana, ny fiteny serbô-krôatiana (ahitana ny fiteny krôatiana, ny fiteny bôsniana, ny fiteny môntenegriana ary ny fiteny serba), ny fiteny bolgariana, ny fiteny makedôniana, ary ny fiteny slôvena.

Fiteny baltaModifier

Ny fiteny balta dia ahitana ny fiteny litoaniana, ny fiteny letôna (na fiteny letviana), ny fiteny korôniana, ny fiteny selôniana, ny fiteny semigaliana, ny fiteny prosiana taloha, ny fiteny skalviana, ary ny fiteny sodôviana.

Fiteny slavaModifier

Ny fiteny slava dia vondrom-pitenin' ny olona monina ao Eorôpa Afovoany sy ao Balkana sy ao Eorôpa Atsinanana sy ao Siberia ary ao amin' ny tapany farany atsinanan' i Rosia ary ao Azia Afovoany. Mizara fianakaviana telo ireo fiteny slava ireo, dia ny fianakaviam-piteny slava atsinanana sy andrefana ary atsimo.

Fiteny slava atsinananaModifier

Ny fiteny rosiana, ny fiteny bielôrosiana, ny fiteny rotena na rosina ary ny fiteny okrainiana dia ao amin' ny fianakaviam-piteny slava atsinanana.

Fiteny slava andrefanaModifier

Ny fiteny tseka, ny fiteny slôvaka, ny fiteny soraba ary ny fiteny pôlôney sy ireo fiteny lesitika tahaka azy (fiteny kasoba, polaba, slôvitsa ary silesiana) dia ao amin' ny fianakaviam-piteny slava andrefana.

Fiteny slava atsimoModifier

Ny fiteny serbô-krôaty (fiteny krôaty, fiteny bôsniana, fiteny môntenegrina, fiteny serba) sy ny fiteny bolgara, ny fiteny makedôniana ary ny fiteny slôvena dia isan' ny fianakaviam-piteny slava atsimo.

Jereo koaModifier

Fiteny indô-eorôpeanaModifier