Fikambanana Iraisam-Pirenen' ny Frankôfônia
Ny Fikambanana Iraisam-Pirenen' ny Frankôfônia (amin' ny fiteny frantsay Organisation internationale de la francophonie na OIF) dia fikambanana iraisam-pirenena noforonina tamin' ny taona 1970, mampivondrona firenena sy governemanta mampiasasa ny teny frantsay miisa 88, izany hoe izany hoe mponina miisa 800 tapitrisa. Ny tanjony dia ny hampiroborobo ny teny frantsay sy ny fahasamihafana ara-kolontsaina sy ara-piteny, ny hampandroso ny fandriampahalemana sy ny demôkrasia ary ny zon' olombelona, ny hanohana ny fanabeazana sy ny fikarohana ary ny fampivoarana ny fiaraha-miasa.
Firenena mpikambana ny ankamaroan' ireo zana-tany frantsay taloha: any Indôsina, ao Afrika Andrefana frantsay taloha, ao Afrika Ekoatôrialy frantsay taloha. Ireto ny firenena mpikambana sasany:
- ao Eorôpa: Frantsa, Belzika, Soisa, Loksamborga, Romania, sns.
- aty Afrika: Marôka, Tonizia, Alzeria, Benîno, Borkina Fasô, Kôtidivoara, Gabôna, Ginea, Madagasikara, Maly, Maorisy, Repoblika Demôkratikan' i Kôngô, Roanda, Senegaly, sns.
- any Amerika: Quebec (Kanada), Guyana frantsay,
- any Azia: Armenia, Libanona, Kambôdia, Laôsy, Vietnamy.
