Zava-manan' aina efatra
Ny zava-manana aina efatra dia maneho biby manana elatra izay mitarika ny kalesy araka ny fahitàn' i Ezekiela (Ezek 1:1-14). Ao amin' ny Bokin' i Ezekiela no iresahana azy ireo voalohany, mamerina miresaka izany ny Apôkalipsin' i Joany na Fanambaràna (Apô 4:7-8). Taty aoriana ireo Rain' ny Fiangonana (na Aban' ny Eglizy) dia nihevitra fa maneho ny mpanoratra evanjely efatra izany, dia i Matio (liona), i Marka (ombilahy), i Lioka (olombelona) ary i Joany na Jaona (voromahery).
Ao amin' ny Baiboly
hanovaAraka ny Bokin' i Ezekiela
hanovaAvy amin' ny andalana voalohany amin' ilay faminaniany, i Ezekiela (Ezek 1:1-14) dia milazalaza fahitana iray: "Nisokatra ny lanitra ary nahita fahitana avy tamin' Andriamanitra aho" (Ezek 1:1). "Teo afovoany aho dia nahita zavatra toy ny zavamananaina efatra” (Ezek 1:5).
"Samy nanana tava efatra izy ireo, ary samy nanana elatra efatra avy (...) tahaka ny kitron' omby ny kitrony." (Ezek 1:6-7). "Ary raha ny endriky ny tarehiny, dia nanana tarehin' olona izy, ary izy efatra nanana tarehin-diona teo amin' ny ankavanana, ary izy efatra samy nanana tarehin' ombilahy teo amin' ny ankaviany, ary ary izy efatra samy nanana tarehim-boromahery." ( Ezek 1:10 ).
Zavaboary efatra any an-danitra mitovy izy ireo, samy manana tongotr' omby efatra, ela-boromahery efatra, tanan' olona efatra ary tarehin' olona efatra, tarehin-diona efatra, tarehin' omby efatra ary tarehim-boromahery efatra. Ireo zavaboary efatra ireo dia manana ny toerany eo am-pototry ny seza fiandrianan' ny voninahitr' Andriamanitra. Mbola miverina amin' io fahitana io ihany i Ezekiela ao amin' ny toko faha-10, izay milaza fa "(...) ary fantatro fa kerobima ireo." ( Ezek 10:20 ).
Lahatsoratra
hanova"5 Ary hitako teo afovoany, ny endri-java-manan' aina efatra, ka toy izao no fijery azy: miendrik' olombelona izy. 6 Samy nanan-tarehy efatra ary samy nanana elatra efatra avy izy. 7 Mahitsy ny tongony, ary toy ny faladian' ny zanak' omby ny faladiany, sady nanjelanjelatra hoatra ny varahina vaodio ireo. 8 Nisy tànan' olona avy teo ambanin' ny elany, amin' ny lafiny efatra, ary samy nanana ny tavany aman' elany avy, izy efatra. 9 Nifanendry ny elany; tsy nihodina izy raha mandeha, fa samy nizotra tamin' izay hitsiny avy. 10 Izao avy no notahafin' ny tarehiny: ny anoloana, tarehin' olombelona, ny ankavanana, tarehin-diona, azy efatra; ny ankavia tarehin' ombalahy, azy efatra, ary tarehim-boromahery azy efatra. 11 Toy izany ireo tarehiny. Nivelatra teo amboniny, ny elatr' izy ireo; ka ny elany roa avy nifanendry tamin' ny an' ny namany; ary ny elany roa kosa, nanarona ny tenany. 12 Samy nizotra tamin' izay hitsiny avy izy; izay nasain' ny fanahy naleha no nalehany; tsy niodina izy raha mandeha. 13 Ny fijery an' ireo zava-manan' aina ireo, dia tahaka ny vainafo mivaivay; hoatra ny fanilo no fijery azy; mifanaretsaka eny anelanelany eny ny afo, mampajambena; sady misy tselatra mivoaka avy ao amin' ny afo. 14 Ary mivoivoy nankatsý nankarý ireo zava-manan' aina ireo, tahaka ny tselabaratra no fijery azy." (Ezek 1:5-14, Ny Baiboly Masina).
Araka ny Bokin' ny Apôkalipsy
hanovaNy apôstôly Joany na Jaona dia manana fahitana izay tantarainy ao amin' ny Bokin' ny Apôkalipsy (4:7-8). Miharihary ny fifandraisana amin' ny an' i Ezekiela. Ny zava-manan' aina efatra dia eo afovoan' ny seza fiandrianana sy manodidina azy. Tsy mitovy intsony anefa izy ireo ary tsy dia miseho amin' ny endri-javamananaina mifangaro, izao ny filaharany: liona, omby, olombelona ary voromahery. Samy manana elatra enina izy ireo ary misy maso maro be.
Namerimberina andro aman' alina toy izao izy ireo: "Masina, Masina, Masina, Tompo, Tompon' izao rehetra izao, Ilay taloha sy ankehitriny ary ho avy!"
Lahatsoratra
hanova"6 Ary teo anoloan' ny seza fiandrianana dia nisy toa ranomasina fitaratra tahaka ny vato krystaly; ary teo afovoan' ny seza fiandrianana sy manodidina azy nisy zava-manan' aina efatra feno maso avokoa ny anoloany sy ny ivohony. 7 Ary ny zava-manan' aina voalohany dia tahaka ny liona, ary ny zava-manan' aina faharoa dia tahaka ny zanak' omby, ary ny zava-manan' aina fahatelo dia manana tava tahaka ny tavan' olona, ary ny zava-manan' aina fahefatra dia tahaka ny voromahery manidina. 8 Ary ny zava-manan' aina efatra dia samy nanana elatra enina avy, sady feno maso ny tenany rehetra manodidina ka hatrao anatiny; ary tsy mitsahatra andro aman' alina izy manao hoe:
Masina, masina, masina ny Tompo Andriamanitra Tsitoha, Ilay taloha sy ankehitriny ary ho avy.
9 Ary raha ny zava-manan' aina hanome voninahitra sy haja ary fisaorana ho an' ilay mipetraka eo ambonin' ny seza fiandrianana, dia Izay velona mandrakizay mandrakizay, 10 dia hiankohoka eo anoloan' izay mipetraka eo ambonin' ny seza fiandrianana ny loholona efatra amby roa-polo ka hivavaka amin' izay velona mandrakizay mandrakizay, dia hanipy ny satro-boninahiny eo anoloan' ny seza fiandrianana ka hanao hoe:
11 Ianao, Tomponay sy Andriamanitray, no miendrika handray ny voninahitra sy ny haja ary ny hery; Fa Ianao no nahary ny zavatra rehetra, Ary noho ny sitraponao no nahanisy sy nahary azy." (Apô 4:6-11, Ny Baiboly)