Nosy Koky
Ny Nosy Koky dia firenena vondronosy any amin' ny faritra atsimo-andrefana amin' ny tapany atsimo amin' ny Ranomasimbe Pasifika, izay eken' ny Firenena Mikambana nefa tsy mpikambana ao aminy, fanjakana miara-miasa malalaka amin' i Zelanda Vaovao, sahala amin' ny taon' i Nioe koa. I Avarua no renivohiny. Atao amin' ny teny maôry any amin' ireo nosy ireo hoe Kūki 'Āirani ilay firenena, ary amin' ny teny anglisy hoe Cook Islands.
_(Polynesia_centered).svg)
Ahitana nosy 15 izy io, izay mirefy 236,7 km2 ny velarany manontolo. Manana Faritra ara-Toekarena Manokana (anglisy: Exclusive Economic Zone) mandrakotra ranomasina 1 960 027 km2 ny Nosy Koky.
Fanjaka-mpanjaka manaja antenimiera ny Nosy Koky, mahafaoka ilay vondronosy mitonda io anarna io (Cook Islands), izay mizara ho vondrona roa: dia ny Vondronosy Koky Atsimo, amin' ny teny anglisy, Southern Cook Islands (Aitutaki, Atiu, Mangaia, Manuae, Mauke, Mitiaro, Palmerston, Rarotonga ary Takutea), niforona avy amin' ny afotroa ny ankamaroany ary i Rarotonga no lehibe indrindra sady ahitana ny renivohitra sy tanàna lehibe indrindra Avarua, sy ny Vondronosy Koky Avaratra, Northern Cook Islands (Manihiki, Nassau, Penrhyn, Pukapuka, Rakahanga ary Suwarrow).
), izay miforona avy amin' ny vatohara. Nomena azy io anarana io ho fanomezam-boninahitra an' i James Cook, mpitaingin-tsambo britanika malaza, izay nitsidika ireo nosy ireo tamin' ny taona 1777, ilay vondronosy.
Ao amin' ny nosy Rarotonga no tena ivangongoan' ny mponina ao amin' ny Nosy Koky (10 863 izany tamin' ny taona 2021). Any amin' ity nosy ity no misy ny seranam-piaramanidina iraisam-pirenen' i Rarotonga, vavahady iraisam-pirenena lehibe mankany amin’ny firenena. Araka ny fanisam-bahoaka tamin' ny taona 2021 dia miisa 14 987 ny mponina ao amin' ilay firenena. Betsaka koa ny vahoakan' ny Nosy Koky mipetraka any Zelandy Vaovao sy any Aostralia: tamin' ny fanisam-bahoaka natao tamin' ny 2018 tany Zelandy Vaovao dia olona miisa 80 532 no nilaza fa avy any amin' ny Nosy Koky, na taranaky ny olona aavy amin' ny Nosy Koky. Ny fanisam-bahoaka aostraliana farany (2021) dia naharakitra vahoaka kokiana miisa 28 000 monina any Aostralia, ary ny ankamaroany dia mizaka ny zom-pirenena aostraliana.
Ny fizahan-tany no indostria lehibe indrindra ao amin' ilay firenena ary zava-dehibe amin' ny toekareny, mialoha ny fametraha-bola amin' ny banky any ivelany sy ny famokarana perla ary ny fanondranana ny hazan-dranomasina sy ny voankazo.
Jereo koa
hanova- Firenena ao Ôseania: Aostralia - Nosy Koky - Fijy - Kiribaty - Nosy Marsaly - Mikrônezia - Naoro - Nioe - Zelandy Vaovao - Palaô - Papoazia-Ginea-Vaovao - Nosy Sôlômôna - Samôa - Tônga - Tovalo - Vanoato.