Finoana silamo eto Madagasikara

(tonga teto avy amin'ny Fivavahana silamo eto Madagasikara)

Ny finoana silamo eto Madagasikara dia niorina tamin' ny taonjato faha-7. Nandray anjara betsaka tamin' ny fiforonan' ny maha Malagasy ny Malagasy ankehitriny izy. Ny fikarohana nataon' ny Pew Research Center tamin' ny taona 2010 dia manambara fa ny 1,1%n' ny mponina eto Madagasikara dia Miozolmana[1]. 7% kosa izany araka ny The World Factbook - Madagascar[2]. Tamin' ny taona 2020 dia eo anelanelan' ny 10% sy 13%n' ny mponin' i Madagasikara ny Miozolmana eto amin' ny Nosy. Ny ankamaroan' ny Miozolmana eto Madagasikara dia manaraka ny finoana silamo sonita avy amin' ny sekoly Shafý, niaraka tamina mpino Ahmadý vitsy izay nanorim-ponenana tamin' ireo taona 1980[3] izay enjehin' ireo Sonita fondamentalista sy ireo Siita[4].

Moske ao Antananarivo

TantaranyModifier

Ny fahatongavan' ny Arabo teto MadagasikaraModifier

Araka ny lovantsofina dia tonga teto Madagasikara ny Arabo voalohany izay mpitsoa-ponenana nandositra ny ady an-trano taorian' ny nahafatesan' i Mohamady tamin' ny taona 632. Tokony ho tamin' ny taonjato faha-10 na faha-11 dia nisy Arabo mpivarotra vangin' elefanta sy mponina avy any Zanzibar izay nanaraka ny morontsiraka atsinanan' i Afrika nandeha botry, sady nanorim-ponenana tany amin' ny morontsiraka andrefan' i Madagasikara. Isan' ireo ny Zafiraminia izay nipoiran' ny foko Antemoro sy Antanosy sy foko hafa koa, araka ny lovantsofina. Ny andiany farany tamin' ireo mpifindra monina arabo dia ireo Antalaotra izay avy any Afrika Atsinanana nanorim-ponenana tao avaratra-andrefan' i Madagasikara, tao amin'ny faritr'i Mahajanga, sady izy ireo no azo lazaina fa nitondra voalohany ny finoana silamo teto amin' ny Nosy.

Ny lova tamin' ny AraboModifier

Ireo mpifindra monina arabo miozolmana dia vitsy raha ampitahaina amin' ny Indôneziana sy ny Banto, nefa namela lova maharitra izy ireo: anaran' ireo fizaran-taona, anaran' ny volana sy ny andro, ny fanaovana hasoava-jaza (famoràna), ny fampiasana vola, ny fanamboarana trano fitehirizam-bokatra iombonana, ary ny teny fiarahabana isan-karazany. Ombiasa arabo maro no niasa tao amin' ny fitsarana ao amin' ireo fanjakana isam-poko teto Madagasikara. Ny Arabo miozolmana dia nitondra teto Madagasikara ny fomban' ny fianakaviana entin-dray izay mifanohitra amin' ny fomban' ny Pôlineziana manome lanja mitovy ny lahy sy ny vavy. Avy amin' ny Arabo koa ny Sorabe, abidy mifototra amin' ny abidy arabo, izay nampiasaina hanoratana ny fiteny malagasy, indrindra ny fitenim-paritry ny Antemoro. Ny Arabo koa no voalohany nahafantatra ny fiavian' ny Malagasy ka nilaza fa olona avy any Indônezia no nanjanaka voalohany an' i Madagasikara[5].

Taorian' ny fanjanahan-tany frantsayModifier

Taorian' ny nahazoan' i Madagasikara fahaleovan-tena tamin' ny taona 1960 taorian'ny fanjanahan-tany frantsay dia nifandray akaiky tamin' ny fahezana kômonista tao amin' ny Firaisana Sovietika. Izany dia nangeja ny fivoaran' ny fivavahana rehetra tao Madagasikara. Na dia izany aza dia nanomboka nihataka tamin' ny Firaisana Sovietika i Madagasikara tamin' ireo taona 1980 ka niara-niasa tamin' i Frantsa. Amin' izao i Madagasikara dia lasa firenena miantoka ny fahalalahan' ny fivavahana.

Tamin' ny taona 2011 dia 7%n' ny mponina no Silamo, araka ny fanadihadiana nataon' ny Departemanta Amerikana[6], nisy fihenana izany raha mitaha amin' ny tombana nataony tamin' ny taona 2009 izay nahatratra 10 hatramin' ny 15%[7]. Ny Pew Research Center kosa anefa manombana izany ho 3% tamin' ny taona 2010. Misy ireo Malagasy silamo, ny Kômôriana silamo, ny Karàna silamo (Pakistaney sy Indiana), ao koa ireo Srilankey silamo sns. izay mitsinjara amin' ireo sampan' ny finona silamo misy eto Madagasikara.

Jereo koa:Modifier

LoharanoModifier

  1. The Future of the Global Muslim Population - Madagascar [tahiry]
  2. The World Factbook - Madagascar
  3. Ahmadiyya Muslim Mosques around the world. p. 76.
  4. http://shiawaves.com/english/world/3651-shia-rights-watch-sectarian-crimes-against-shia-merchants-in-madagascar
  5. Histoire de Madagascar, nataon'i Juan Cole (tahiry)
  6. Bureau of African Affairs (3 May 2011). "Background Note: Madagascar". U.S. Department of State. Tahiry tamin'ny 24 Aogositra 2011. Notsidihina tamin'ny 24 Aogositra 2011.
  7. "Madagascar". US Department of State. 2009.