Vanimpotoana anelanelany fahatelo tany Ejipta

Ny vanimpotoana anelanelany fahatelo tany Ejipta tamin' ny Andro Taloha dia nanomboka tamin' ny taona 1069 tal. J.K. ka niafara tamin' ny taona 664 tal. J.K.

Taorian' ny fahafatesan' i Ramsesy XI tamin' ny taona 1078 tal. J.K. dia i Smendesy no nanapaka ny tapany avaratr' i Ejipta, avy ao amin' ny tanànan' i Tanisy. Ny tapany atsimon' i Ejipta kosa dia nofehezin' ireo mpisoron-dehiben' i Amôna tao Tebay, izay nahalala an' i Smendesy ankoatry ny anarany. Nandritra izany vanimpotoana izany dia niorim-ponenana tao amin' ny tao andrefan' ny Vinanin' i Nily ny Libiana ka afaka nitombo hatrany ny fizakan-tenan' ireo mpitarika azy. Ireo andriana libiana dia nifehy ny Vinanin' i Nily tamin' ny andron' i Sesonka I tamin' ny taona 945 tal. J.K. ka nanorina ny dinastia libiana na bobastita, izay nanapaka nandritra ny 200 taona. Ny fitondran' ireo Bobastita ireo dia nihalefy arakaraka ny nipoiran' ireo dinastia mpifanohitra tao amin' ny Vinanin' i Nily tao Leôntôpôlisy sy tamin' ny fiotoana nampitombo ny fanambanan' ireo Kosita avy any atsimon' i Ejipta. Tamin' ireo fotoana manodidina ny taona 727 tal. J.K. dia nanani-bohitra tao amin' ny tapany avaratr' i Ejipta ilay moanjaka kosita Pianky ary nifehy an' i Tebay, ary nifehy koa ny Vinanin' i Nily taorian' izay.

Nitontongana izaitsizy ny lazan' i Ejipta tamin' ny fiafaran' ity vanimpotoana ity. Ireo firenena mpihavana aminy dia efa nitodika tany amin' i Asiriana, ka nanomboka tamin' ny taona 700 tal. J.K. dia tsy azo nialana intsony ny ady teo amin' i Ejipta sy i Asiria. Teo anelanelan' ny taona 671 sy 667 tal. J.K. dia niady tamin' i Ejipta ny Asiriana. Ny fanapahan' i Taharka sy i Tabotamôna mpandimby azy dia nianjadian' ireo ady tamin' ny Asiriana izay resin' ny mpitarika nobiana matetika. Voatosiky ny Asiriana ny Kosita tao Nobia sady nibodo ny tanànan' i Memfisy ary nandrava ny tempoly tao Tebay.

Vanimpotoana anelanelany fahatelo tany Ejipta

Jereo koa