Soavaly

Ny soavaly dia biby mampinono sady biby fiompy, tokan-drantsan-tongotra, misy kitro. Anisan' ny fianakaviana Equidae izy io ary iray amin' ny karazana Equus ferus roa mbola misy. Equus ferus caballus na Equus caballus ny anarany ara-tsiansa. Ny soavaly dia nivoatra nandritra ny 45 ka hatramin' ny 55 tapitrisa taona lasa izay avy amin' ny zavaboary kely misy rantsana maromaro, akaikin' ny Eohippus, ka lasa biby lehibe tokan-drantsan-tongotra amin'izao fotoana izao. Nanomboka niompy soavaly ny olona tamin' ny taona 4000 tal. JK ary heverina fa niely patrana tamin' ny taona 3000 tal. J.K. ny fiompiana izany. Ny soavaly ao amin' ny zana-karazana caballus dia biby fiompy, na dia misy soavaly fiompy aza miaina any anaty ala sy any an-tsaha toy ny soavaly masiaka. Tsy soavalidia marina ireny manao andiany ireny, izay soavaly tsy mbola nofolahina hompina mihitsy.

Mbola ambangovangony ity lahatsoratra ity ary tokony hofenoina.

Azonao atao ny mandray anjara eto amin'ny Wikipedia amin'ny alàlan'ny fanitarana azy.
Jereo koa ny pejy Ahoana ny manao takelaka rehefa te-hijery hoe ahoana no fanaovana azy.

Zatra mihazakazaka ny soavaly ka izany dia ahafahany mandositra haingana ny biby mpiremby. Mifandraika amin' io filana mandositra ny biby mpiremby any an' ala io dia toetra tsy mahazatra: afaka matory mitsangana na mandry ny soavaly, ary maharitra matory mihoatra noho ny lehibe ny soavaly tanora kokoa. Mitondra vohoka mandritra ny 11 volana eo ho eo ny soavaly vavy ary afaka mijoro sy mihazakazaka fotoana fohy aorian' ny nahaterahany ny soavaly kely. Manomboka folahina hitaingenana na hitarika kalesy ny ankamaroan' ny soavaly fiompy, eo anelanelan' ny roa sy efatra taona. Mahatratra ny fivelaran' ny fahalehibeazana feno izy ireo amin' ny fahadimy taonany, ary eo anelanelan' ny 25 sy 30 taona eo ho eo ny androm-piainany. Misy zana-karazana soavaly maherin' ny 300 eran-tany ankehitriny, novolavolaina ho an' ny fampiasana maro samihafa.

Ny soavaly sy ny olombelona dia mifanampy amin' ny fifaninanana ara-panatanjahantena isan-karazany sy ny fialam-boly tsy misy fifaninanana ary koa amin' ny asa toy ny asan' ny pôlisy, ny fambolena, ny fialamboly ary ny fitsaboana. Taloha dia nampiasaina tamin' ny ady ny soavaly, izay namoronana karazana teknika fitaingenana sy fitondrana, fampiasana karazana fitaovana sy fomba fanaraha-maso. Maro ny vokatra azo avy amin' ny soavaly, ka anisan' izany ny hena, ny ronono, ny hoditra, ny volo, ny taolana, ary ny fanafody alaina avy amin' ny amanin' ny sovaly bevohoka. Manome sakafo sy rano ary fialofana ho an' ny soavaly fiompy ny olombelona, ary koa ny fandalinan' ny manam-pahaizana manokana toy ny veterinera sy ny mpikarakara kitron-tsoavaly.

Kolontsaina

Ohabolana

Adaladala toa Betsileo, ka miarahaba soavaly.
Ataonao ho soavaly vahiny angaha aho no tsy hahalala an' i Mahamasina?
Irery tena manan-tsoavaly: sady mitaingina no manome hanina azy.
Mataho-nify bakatraka ka no miompy soavaly.
Soavaly tapa-kofehy.