Osy

Ny osy dia karazam-biby misy nono, mihinana ahitra sady mandinika, iray fianakaviana amin' ny omby izy (Bovidae). Capra hircus na Capra aegagrus hircus ny anarany ara-tsiansa. Raha ompiana ny osy amin' ny ankapobeny, dia tsy vitsy ny osidia toy ny hita any Kaokazy, Iràna, Iràka ary Afganistàna. Efa tany alohan' ny taonarivo faha-8 tal. J.K. no nanombohan' ny olona niompy osy. Ompiana ny osy mba hahazoana ny rononony, ny hodiny, ny volony ary ny henany. Mirefy eo amin' ny 60 sm hatramin' ny 1 m ny osy, arakaraka ny karazany. Misy somotra na ny osilahy na ny osivavy. Afaka miaina amin' ny faritra misy toetany maina sy be tendrombohitra ny osy.

Kolontsaina

Ohabolana

Aza manao toy ny osy; mihambo tena, fa izy ihany.
Be famangitra toa rambon' osy ka ny lanitra tsy hianjera no tohanana
Mitonanaka foana toa an-dRafotsibe voadakan' osy.
Mivadika imaso toa tandrok' osy.
Ny osy, na mitsangan-tandroka ho omby aza, na mibarareoka ho ondry aza, na maniry somotra ho olona aza, na midingin-drambo ho alika aza, na mitsangani-bovona ho lambo aza, tsy miala, fa osy ihany.
Ny voliko lanin' ny osy leoko ihany, hoy Rafotsibe, fa ny fidingin' ny rambony no tsy zakako.
Osivavy maniry somotra : ny lova tamin-dray tsy avela, ny hetra tamin-dreny tsy afoy.
Osivavy naniry volombava : samy tsy ariana ny fomban-dray sy reny.
Salaka namatorana osy, ny osy lasa, ny salaka tapaka.
Sitry mahay vato, osy mahay harana.
Sokina ve tsy hahay vato ary osy tsy hahay harana?

Osy

Kolontsaina

Ohabolana

Jereo koa