Morąg
I Morąg na Mohrungen na Maurungėnai dia tanàna pôlôney ao andrefan' i vôivôdian' i Varmia-Mazuria, izay tao Prosia Atsinanana taloha. Miisa 14 239 ny mponina ao aminy tamin' ny 30 Jona 2008.
Anarana hanova
Atao hoe Morąg izy amin' ny teny pôlôney, Mohrungen amin' ny teny alemàna, Marangan amin' ny teny prosiana tranainy, ary Maurungėnai amin' ny teny litoaniana.
Jeôgrafia hanova
Ao aminy ilany atsinanana amin' ny tany manamorona ny farihy maron' i Eylau, andrefan' i Prosia Atsinanana taloha, 44 km ao atsimon' i Elbing ary 38 km varatra-andrefan' i Allenstein no misy io tanàna io. Be havoana izay mety mahatatra haambo 100 m elanelanin' ny saha sy ala ary farihy ity faritra ity. Manatrika ny vavahady maron' ilay tanàna ny farihy Scherting, ary ny torapasiky ny farihy Nariensee (1 249 ha) dia kilômetatra vitsy ao atsinanana.
Tantara hanova
Angamba nandritra ny ampahefany farany amin' ny taonjato faha-13 no nalain' ny mpitaingin-tsoavaly ao ao amin' ny Fikalbanana Teotônika ny toby voaro an' ny Prosiana izay nonina ny saikanosy ao amin' ny farihy Scherting. Izanhy toby voaro manda izany dia nomena anarana hoe Morungen tamin' ny taona 1328, Morungen tamin' ny taona 1340 ary Marungen tamin' ny taona 1364. Izany anaran-tanàna izany dia mampahatsiahy ny honahonan' i Mohrung, izay noritina ka lasa maina efa hatry ny ela, izay voatondro ao amin' ny dinan-tanàn-dehibe nohavaozina tamin' ny 17 Desambra 1331 amin' ny anarana hoe e lacus Maurin, ka ny hoe mare / mary / marre dia manondro ny honahona misy fotaka mandrevo, amin' ny teny prosiana tranainy.
Raha vao niandoha ny taonjato faha-15 dia nisy tanàna madinika niorina ny manodidina azy izy teo ambany fiarovan' i Peter von Sumpf, izay tompomenekeliny, na dia i Hermann von Oettingen no fantatra amin' ny fomba ôfisialy fa nanorina azy: amin' ny maha kômandera teotônikan' i Elbing azy, satria izy no nanome tombontsoa manokana amin' ny maha tanàn-dehibe io tanàna io, tamin' ny taona 1327, araka ny lalànan' i Culm.
Tamin' ny fahavitan' ny ady tao Grunwald dia nalain' ny Pôlôney sy ny Litoanina ho azy ireo tamin' ny taona 1410 ilay toerana, ary tamin' ny taona 1440 i Mohrungen dia niditra tao amin' ny Fifarimbonan' i Prosia izay natao hiadiana amin' ny Holafitra Teotônika sady nandray anjara tamin' ny "Ady Telo Ambin' ny Folo Taona" teo anelanelan' ny taona 1454 sy 1466. Ny fahazoan' ny Fikambanana Teotônika an' i Mohrungen indray tamin' ny taona 1461 dia fahobiazan' i Heinrich Reuß von Plauen izay kômanderan' i Elbing. Nataony tao amin' io tanàna io ny renivohiny, izay nodora' ny Pôlôney tamin' ny Ady Pôlôney-Teotônika (1519-1521). Tamin' ny fiafaran' ny Refôrmasiôna, ny fanalana ny fahefam-pivavahana amin' ny Fikambanana Teotônika sy ny fanorenana ny Diokean' i Prosia (1525) dia nahatonga an' i Mohrungen ho tany atokan' ny borgrava Peter zu Dohna.
Tamin' ny 25 Janoary 1807 no nisehoen' ny Ady tao Mohrungen izay nifanaovan' ny tafik' i Napoléon notarihin' i Bernadotte sy ny tafika rosiana nobaikoin' i Bennigsen. Nanresy tamin' izany fifanandremana izany ny Frantsay, izay nahafatesana miaramila 1 000 any ho any, fa ny Rosiana kosa nahafatesana 1 500.
Jereo koa hanova
Tanàna any Alemaina sy Eorôpa Atsinanana manan-tantara tamin' ny andron' i Martin Lotera: