Eisenach

I Eisenach dia tanàna any Alemaina ao amin' ny tapany andrefana amin' ny Landan' i Thüringen (frantsay: Thuringe) sady ao afovoan' i Alemaina, ao amin' ny lohasahan' i Hörsel. Manerinerina ao aminy ny tranoben' i Wartburg izay nanaovan' ny trobadora fampisehoana tamin' ny taonjato faha-13 sady nahazoan' i Richard Wagner ny aingam-panahiny namoronany ny ôperà Tannhäuser. Fantatra koa ity tanàna ity noho izy nanaovan' i Martin Lotera ny fandikana ny Baiboly amin' ny teny alemàna tamin' ny taonjato faha-16.

Ny tanànan' i Eisenach

Ahafantarana ity tanàna ity koa ny maha toerana nahaterahan' i Johann Sebastian Bach (frantsay: Jean-Sébastien Bach) tamin' ny taona 1685 izay nonenany mandra-pahafatin' ny reniny tamin' ny taona 1695.

Jereo koaHanova

Tanàna any Alemaina sy Eorôpa Atsinanana manan-tantara tamin' ny andron' i Martin Lotera: