Jodà (zanak' i Jakôba)
I Jodà (hebreo: יְהוּדָה / Yehudah) dia lehilahy voaresaka ao amin' ny Bokin' ny Genesisy ao amin' ny Baiboly. Zanaka fahefatr' i Jakoba tamin' i Lea izy, dia i Jakoba zanak' i Isaka. Izy ilay nandresy lahatra ireo rahalahiny hivarotra an' i Jôsefa tamin' ireo Ismaelita mpividy olona fa tsy hamono azy (Gen. 36.26-27); izy no niantoka ny hampodiana an' i Benjamina faralahin' i Jakoba eo amin-drainy mba hahafahana mitondra azy any Egipta, araka ny sitrapon' ilay manampahefana egiptiana (izay tsy iza fa i Jôsefa ihany); izy no nanolo-tena tamin' io manampahefana ejipsiana io mba ho tazomina ho solon' i Benjamina voampanga ho nangalatra nefa tokony hampodina any amin-drainy.
![](http://upload.wikimedia.org/wikipedia/commons/thumb/6/6c/The_Phillip_Medhurst_Picture_Torah_259._Judah._Genesis_cap_49_vv_9-12._De_Geyn.jpg/242px-The_Phillip_Medhurst_Picture_Torah_259._Judah._Genesis_cap_49_vv_9-12._De_Geyn.jpg)
I Joda, fa tsy i Robena lahimatoa, no nahazo ny tsodranon' i Jakoba ho lehiben' ireo zokiny izay tsy nanaja an-drain' izy ireo satria i Robena namadika an-drainy noho ny nadriany tamin' i Bila vadin-drainy ary i Simeôna sy i Levy nahatezitra an-drainy tamin' ny namonoan' izy ireo ny lehilahy rehetra tao Sikema.