Andriamisara
Andriamisara dia mpanjaka sakalava tao amin' ny tarana-mpanjaka maroseraña izay heverina fa tena mpanorina ity tarana-mpanjaka ity. Andriamisara dia zanak' Andriamandazoala ary efa nanjaka tany amin' ny faritr' i Fiherenana, misy an' i Toliara ankehitriny, angamba tamin' ny tapany voalohan' ny taonjato faha-17. Avy eo izy no nanitatra ny fahefany, na nianatsimo ka hatrany amin' ny tanin' ny Mahafaly na tany avaratra tany amin' ny Sakalava. Avy amin' ny fandresen' Andriandahifotsy zanany ihany anefa no tena nampitombo ny fahefan' ny Sakalava izay lasa Fanjakan' i Menabe. Taorian' ny fahafatesany dia hajaina fatratra ao amin' ny foko sakalava ny sisa sasany amin' ny vatan' Andriamisara, indrindra amin' ny alalan' ny fomba amam-panao atao hoe fitampoha izay ankalazana sy ivavahana amin' ny dady (izany hoe ny mpanjaka efa niamboho sy ny sisan-javatra avy amin' izy ireo, toy ny sombin-taolana, hoho, vangy, sns).
Lisitry ny mpanjakan' i Menabe hanova
- Andriamisara
- Andriandahifotsy (taonjato faha-17)
- Andriamanetriarivo (1685 - 1710)
- Andriamananety
- Ranaimo na Andriandrainarivo (nanjaka 1718-1727)
- Andrianamboatsimarofy (1774 - 1794)
- Ratrimolahy
- Andriantsoarivo
- Ramitraho (1812 - 1834)
- Rainasa
Boky azo anovozan-kevitra hanova
- Suzanne Chazan-Gillig, « Les luttes d'influence entre alliés : leur référence au mythe d'Andriamisara », in La société sakalave : le Menabe dans la construction nationale malgache : (1947-1972), ORSTOM, Karthala, Paris, 1991, p. 59-62. (ISBN 2-86537-276-6)
- Dominique Ranaivoson, Madagascar : dictionnaire des personnalités historiques, Sépia, Saint-Maur-des-Fossés ; Tsipika, Antananarivo, 2011 (2e éd.), p. 38 (ISBN 978-2-84280-101-4)