Toetanin-tanibe
Ny toetanin-tanibe na toetrandron-tanibe dia toetany matetika ananan' ny faritra lavitra ny morontsiraka (lafy mitodika andrefana amin' ny tanibe) na mandray ny rivotra sy ny rotsak' orana avy ao anatin' ny tanibe (lafy atsinanana amin' ny tanibe) any amin' ny faritra manana laharam-pehintany antonony (40 hatramin' ny 55 avaratra). Ity toetany ity dia miavaka noho ny elanela-maripana isan-taona izay lebibe dia lehibe (mihoatra ny 20 °C): fahavaratra mafana sy ririnina mangatsiaka.
Faritra misy ny toetanin-tanibe hanova
Ny toetanin-tanibe dia miseho amin' ny ankapobeny any amin' ny ila-bolantany avaratra, izay manana tany midadasika amin' ny laharam-pehintany mafana, ilaina amin' ny fivoaran' ity karazana toetany ity. Ny ampahany be amin' ny avaratra sy avaratra-atsinanana amin' i Sina, ny atsinanana sy ny atsimo-atsinanana amin' i Eorôpa Andrefana, ny avaratra-andrefana amin' i Iràna, ny afovoany sy atsimo-atsinanana amin' i Kanada, ary ny afovoany sy avaratra-atsinanana amin' i Etazonia dia manana io karazana toetany io.
Fombany hanova
Any amin' ny toetrandron-tanibe, ny rotsak' orana dia antonony amin' ny ankapobeny, indrindra amin' ny volana mafana. Faritra vitsivitsy monja — any amin’ ireo tendrombohitra any Pasifika Avaratra-Andrefana any Amerika Avaratra sy any Iràna, any avaratra amin’ i Iràka, akaikin’ i Torkia, any Afganistàna, any Pakistàna, ary any Azia Afovoany — no misy rotsak’ orana be indrindra amin’ ny ririnina. Ny ampahany amin' ny tokony ho rotsak' orana isan-taona dia milatsaka ho orampanala, ary ny orampanala dia matetika mijanona amin' ny tany mandritra ny iray volana mahery. Ny fahavaratra amin' ny toetrandron-tanibe dia mety ahitana orambaratra sy hafanana matetika; na izany aza, ny fahavaratra dia somary marin-toerana kokoa raha mitaha amin’ ny ririnina.
Zavamananaina hanova
Zavamaniry hanova
Ny zavamaniry voajanahary dia miforona indrindra amin' ny ala kônifera mafana sy ny ala mampiavaka ny faritra manodidina ny tendrontany (taiga) ary koa ny tany lava volo anirin' ahitra sy ny fatrana. Ny taiga dia maniry any amin' ny faritra avaratra, izay mahalava sy mampamirifiry ny ririnina ary mahafohy sy mangatsiatsiaka ny fahavaratra. Ala maitso mavana ny taiga, ka misongadina amin' izany ny hazokesika. Any amin' ny faritra atsimo izay tsy dia mangatsiaka sy mando, dia miseho ny tany lava volo ahitana ahitra avo, mampiavaka ny lemaka anatiny. Any amin' ny faritra mafana sy maina kokoa dia mivoatra ny fatrana, izay misy ahitra iva.
Biby hanova
Henjana ny toetry ny andro amin’ ny ririnina, ary tsy ny biby rehetra monina amin' izany tontolo iainana izany dia tsy mijanona amin' ny toerana misy azy amin' ny ririnina, ka mazàna ny vorona no mifindra monina any amin' ny faritra mafana kokoa, fa ny biby hafa kosa matory mandritra izany ririnina izany.
Ny biby tena mampiavaka ny taiga dia ny orsa manja (na bera manja), ny lopa, ny amboahaolo, ny martra, ny vizôna, ny kionkiona, ny rena, ny diera (na serfa) ary ny ôrinaly.