Hanokatra ny renilisitra

Ny monofizisma na monofizitisma dia firehana ao amin'ny finoana kristiana mampianatra ny tsy fananan'i Kristy, izay atao hoe koa Zanaka na ny Teny, natioran'olombelona fa natioran'Andriamanitra ihany. Natelin'ny natioran'Andriamanitra ao amin'ny Zanaka ny natioran'olombelona. Noho izany dia mifanohitra amin'ny atao hoe diofizisma na diofizitisma ny monofizisma. Hatramin'izao dia mbola misy ny fiangonana kristiana izay atao hoe monofizita.

Fiforonan-tenyHanova

Ny teny hoe monofizisma dia fanagasiana ny teny grika hoe μονοφυσιτισμός / monophusitismos izay avy amin'ny teny hoe μόνος / monos "tokana" sy φύσις / phusis "natiora" na "fomba".

Foto-pampianaran'ny monofizismaHanova

Ny zavatra notoheriny: ny nestorianismaHanova

Niorina manodidina ny fanekem-pinoana nikeana ny foto-pampianarana kristiana nanjaka tamin'izay, izay nanekena ny fitoviam-pomban'ny Ray sy ny Zanaka sy ny fananan'ny Zanaka natioran'olombelona. I Eotikesy, izay nanohana ny monofizisma, dia nanambara fa tsy manana afa-tsy natiora tokana ny Zanaka, dia ny natioran'ny maha Andriamanitra azy. Notoheriny amin'izany ny nestorianisma izay fampianarana ny fananan'i Kristy persona roa, ka ny iray olombelona (i Jesosy) fa ny iray Andriamanitra (ny Teny). Izany dia nenti-nameno ny zavatra heveriny ho banga tao amin'ny fanekem-pinoana nikeana ny amin'ny natioran'i Kristy.

Ny fampianaranyHanova

Ho an'ny monofizisma dia tsy manana afa-tsy natiora tokana i Kristy, dia ny maha Andriamanitra azy. Ny samy monofizita dia misy zavatra tsy itovizany hevitra koa, dia ny amin'ny tsy mahamety lo ny vatan'i Kristy (talohan'ny nandaminan'izy ireo izany fifandirana izany talohan'ny fidiran'ny Arabo tao Siria sy Ejipta izay ahitana azy ireo betsaka). Nanomboka tamin'ny taona 560 dia nisy andiany fahatelo nipoitra, izay nihevitra ireo persona telon'Andriamanitra ho andriamanitra telo samy hafa. Fampianaran-diso izany hoy ireo firehana kristiana hafa rehetra.

Fanamelohan'ny konsily ny monofizismaHanova

Ny konsily tao KalkedonaHanova

Tamin'ny taona 451 dia nampanao konsily ny papa Leo I, dia ny konsily tao Kalkedona izay niezahana nampiravona ny firehana samihafa momba an'i Kristy, ka nandraikitra ny foto-pampianarana momba ny natiora roan'i Jesosy. Tsy nahafa-po ny mpomba ny monofizisma izany ka niotombo ny tsy fitovian-kevitra. Araka ny konsily tao Kalkedona dia sady Andriamanitra no olona ny Zanaka ka persona tokana nefa manana natiora roa izay tsy mifangaro sy tsy miova ary tsy mizara no tsy misaraka. Nohelohin'ny konsily tao Kalkedona ny monofizisma notarihin'i Eotikesy, tahaka ny nestorianisma izay nohelohin'ny konsily tao Efeso tamin'ny taona 431.

Ny konsily tao KonstantinopolyHanova

Nanamafy ny fanamelohana ampahibemaso ny monofizisma ny konsily fahatelo tao Konstantinopoly tamin'ny taona 680.

Fiangonana monofizitaHanova

Tao amin'ny Fiangonana kopta sy teo amin'ireo mpianatr'i Eotikesy avy any Konstantinopoly no tena nampatanjaka ny monofizisma. Noho izany dia napotraky ny Fiangonana Lehibe ka nisaraka taminy ireo monofizita tamin'ny taonjato faha-6.

Tamin'ny endriny atao hoe miafizisma dia ampianarin'ny Fiangonan'ny konsily telo ny monofizisma. Ireto avy ireo Fiangonana monofizita izay atao hoe koa Fiangonana tsy Kalkedoniana:

  • ny Fiangonana apostolika armeniana,
  • ny Fiangonana kopta ortodoksan'i Ejipta,
  • ny Fiangonana kopta ortodoksan'i Etiopia,
  • ny Fiangonana siriaka ortodoksa (na jakobita),
  • ny Fiangonana sirianan'i India Atsimo.

Jereo koa:Hanova