Fitokavana
Ny fitokavana dia ny fiantsoana fanahy toy ny andriamanitra, ny fanahin' ny maty (fanahin' ny razana, fanahin' ny olo-masina, sns), ny angatra, ny demony na devoly, sns, ao anatin' ny vavaka mba hanatrehany na hahatongavany na hihainoany, amin' ny fangatahan-javatra (fiarovana, fankasitrahana, fanampiana, fanozonana ny fahavalo, sns), izay matetika anononana ny anaran' izy ireo na ny anaram-boninahitra fiantsoana azy ireo.
Ny fivavahana rehetra amin' ny ankapobeny dia mampiasa vavaka na litorjia na hira fitokavana: manao an' izany ny Kristiana ao amin' ny vavaka nampianarin' ny Tompo, ny Hindo sy ny Bodista ao amin' ny atao hoa "mantra", ny Egiptiana taloha ao amin' ny Bokin' ny Maty, ny Silamo amin' ny fanaovany fitokavana (arabo: دُعَاء / duʿāʾ, vavaka fitalahoana na fangatahana).