Fehezanteny
Ny fehezanteny dia teny na andian-teny tononina na soratana manara-pitsipika ka azo ampitana hafatra mahaleo tena noho izy azo sarahana amin' ny hafa izay mety hitovy asa aminy. Raha soratana amin' ny abidy latina na ny mitovitovy aminy ny fehezanteny dia azo atpomboka amin' ny sora-baventy ary faranana amin' ny teboka, ary izany tokoa matetika no famaritan' ny boky fianarana fitsipiteny ho an' ny ankizy azy. Ny fehezanteny ahitana teny roa na mihoatra no tena mateti-piseho.
Famoronana fehezanteny Hanova
Ny fehezanteny tsotra dia ahitana teny roa na mihoatra no tena mateti-piseho, nefa raha teny iray no mamorona ny fehezanteny dia matetika anisan' ny sokajin-teny afaka mahaleo tena izany teny izany, toy ny anarana sy ny matoanteny sy ny mpamari-toetra ary ny tenim-piontanana. Mety ho tambinteny koa izany. Raha andian-teny ny fehezanteny dia tokony ho fitambaran-teny atohy amin' ny fanajana ny fitsipiky ny fifehezanteny (anisan' izany ny fandaharana ny teny, ny fampiasana mpampitohy sy mpampiankin-teny na mpampiankina fehezankevitra) ka matetika ahitana entimilaza sy lazaina (ary fameno, raha mitaky izany ny fitsipika mifehy ny karazan' ilay fehezanteny). Ireo sokajin-teny voatanisa farany ireo, izay misahana anjara asa mampifandray ny teny anaty fehezanteny na anaty andian-teny (atao hoe tarika), dia tsy afaka mandeha mitokana raha tiana hoheverina ho fehezanteny.
Famenon' ny fehezanteny Hanova
Ny famenon' ny fahazanteny dia teny ato fameno ao amin' ny fehezanteny nefa tsy miraikitra amin' ny matoanteny fa azo foanana na afindrafindra toerana. Ny ankamaroan' izay ataon' ny fitsipiteny mahazatra hoe fameno mpamari-toe-javatra dia famenon' ny fehezanteny.
Ohatra:
- Avec beaucoup de soin, l'araignée tisse sa toile, dans le grenier, chaque jour.
- L'araignée tisse sa toile, avec beaucoup de soin, dans le grenier, chaque jour.
- L'araignée tisse sa toile avec beaucoup de soin, dans le grenier, chaque jour.
- Avec beaucoup de soin, l'araignée tisse sa toile, chaque jour, dans le grenier.
- Dans le grenier, l'araignée tisse sa toile, avec beaucoup de soin, dans le grenier.
- L'araignée tisse sa toile, chaque jour, avec beaucoup de soin, dans le grenier.
- Sns.