Zerobabela
I Zerobabela na Zôrôbabela dia olona resahina ao amin' ny Bokin' i Ezra (na Esdrasa) sy ao amin' ny Bokin' i Hagay (na Akjea) ary ao amin' ny Bokin' i Zakaria ao amin' ny Baiboly hebreo sy ny Testamenta Taloha. Zafikelin' i Jôiakina mpanjakan' i Jodà izy, ary lasa governora tao amin' ny faritanin' i Jodea (atao hoe Yehud Medinata), faritany persiana (tamin' ny fitondran' ny Akemenida), tamin' ny taonjato faha-6 tal. J.K., izany hoe mpitarika ny vahoaka jiosy, tamin' ny andron' i Dariôsy I.
![](http://upload.wikimedia.org/wikipedia/commons/thumb/a/a5/Zerubbabel.jpg/245px-Zerubbabel.jpg)
Tamin' ny fiafaran' ny fahababoan' ny Jiosy tany Babilôna dia nandray anjara tamin' ny fanorenana ny Tempoly faharoa tao Jerosalema izy, ary voalaza ao amin' ny Testamenta Vaovao fa razamben' i Jesoa.
Ny anarany dia atao amin' ny teny hebreo hoe זְרֻבָּבֶל, angamba avy amin' ny teny akadiana hoe zēr-bābili, izay midika hoe "zanak' i Babilôna").