Vatosokay

Ny vatosokay dia karazana vato misy sokay. Ny ankamaroan' ny vatosokay dia niforona tamin' ny tontolo an-dranomasina marivo. Ny vatosokay dia hita amin' ny faritra midadasika amin' ny tany, ary matetika no azon' ny ranon' orana levonina amin' ny ampahany kelikely ka mandoaka ny tanim-batosokay. Ny ankamaroan' ny lava-bato dia hita ao amin' ny toerana misy vatosokay.

Vatosokay miseho ivelan' ny tany ao amin' ny tahirin-javaboary any amin' ny Torcal de Antequera de Málaga, any Espaina.

Ny vatosokay dia ampiasaina amin' ny fanamboaran-javatra maro: atao fitaovana fanorenana, singa tena ilaina amin' ny fanamboarana simenitra, ho taharo ao amin' ny lafika fototra amin' ny fanamboaran-dalana, atao loko fotsy, ampiasaina amin' ny fanamboarana feta famotsia-nify, akora simika amin' ny famokarana sokay sns. Ny vatosokay no misy ny 30 %n' ny tahirin-tsolika eran-tany.

Matetika misy fôsily ny vatosokay, ary ahazoana fahalalana momba ny tontolo fahiny sy ny fivoaran' ny fiainana.