Tsikafonkafona

Ny tsikafonkafona dia zavamaniry anaty rano, ao amin' ny fianakavian-javamaniry Araceae, izay maniry amin' ny faritra rehetra manana toetanin-jana-pehin-tany any Amerika, any Azia, aty Afrika ary any Ôseania, sady efa nampidirina koa any Eorôpa. Maniry mandavan-taona izy, mitsinkafona ambony rano, misandrahaka sy mifaningotra ary mihantona anaty rano ny fakany izay mahatratra 50 sm. Tsy manana tahony izy. Atao hoe Pistia stratiote ny arana siantifikany.

Eny amin' ny lakandrano, ny renirano mikoriana mora, ny hady misy rano, ny tanimbary ary ny dobo no tian' ny tsikafonkafona aniriana indrindra. Mety ho rakotra azy tanteraka ny toerana aniriany ary hovoasakany ny fisian' ny ôksizenina ao anaty rano ka mahatonga ny fahafatesan' ny trondro, ho voahelingeliny koa ny fifamoivoizana anaty rano.

Atao hoe azafo, hazafo, raizafy, ranomanfaka, rasanjaka, savamanipaka, tsinkafonkafonka koa io zavamairy io amin' ny teny malagasy.

Jereo koa

Tsikafonkafombazaha