Taratasy faharoa nosoratan' i Joany
Ny Taratasy faharoa nosoratan' i Joany na Epistola faharoa nosoratan' i Joany na Epistily faharoa nosoratan' i Jaona dia boky ao amin' ny Testamenta Vaovao ao amin' ny Baiboly, izay anisan' ireo atao hoe epistily na taratasy. Atao hoe Epistily katôlika io epistily io noho izy tsy natokana ho ana fiangonana iray fa ho an' ny fiangonana sy ny olona rehetra. Ny Taratasy faharoan' i Joany dia soratra fohy indrindra ao amin' ny Baiboly kristiana, tsy misy afa-tsy toko iray misy andininy 13 ny ao amin' io aratasy io. Tokony ho teo anelanelan' ny taona 90 sy 110 no nanoratana azy.
Ny anaran' ny boky
hanovaΔεύτερη Επιστολή Ιωάννη / Deuterê Epistolê Iôannê no anaran' io epistily io amin' ny teny grika fa Epistula II Ioannis kosa amin' ny teny latina.
Fanoratana ilay taratasy
hanovaNy mpanoratra
hanovaNy lovantsofin' ny Fiangonana dia manao ny epistily telo mitondra ny anaran' i Joany (na Jaona) ho nosoratan' i Joany Evanjelista. Ankehitriny dia maro ny ady hevitra ny amin' ny fahamarinan' izany lovantsofina izany. Misy anefa ny manampahaizana izay milaza fa ny Epistily faharoan' i Jaona dia soratr' olona hafa izay mety ho ilay "Loholona"[1] na "Antidahy"[2], atao hoe Joany koa, resahina ao amin' ny Epistily faharoa (2Joa. 1:1) sy ao amin' ny Epistily fahatelo (3Joa. 1:1). Mihevitra ny ankamaroan' ny mpikaroka fa ilay Joany Antidahy na Jaona Loholona no nanoratra ny epistily telo amin' ny anaran' i Joany.
Ny anoratana
hanovaNosoratana ho an' "Itompokovavy voafidy sy ny zanany"[3] (na ho an' ny "Andriambavy voafidy sy ny zanany"[4]) izany epistily izany (2Joa. 1:1). Miray hevitra ny manampahaizana fa tsy vehivavy izany fa fiangonana iray, ka mety iray amin' ny fiangonana tany Azia Minora izany.
Famintinana ny vontoatiny
hanovaMamerina ny hevi-dehibe voalaza ao amin' ny Taratasy voalohany nosoratan' i Joany ny mpanoratra, dia ny didim-pitiavana, ny firaisana amin' Andriamanitra, nefa ambarany amin' ny fomba fohifohy kokoa izany (2Joa. 1:4-9), sy ampiany fampianarana ny hoe: "Raha misy olona mankeo aminareo ka tsy mitondra izao fampianarana izao, aza mampiantrano azy na miarahaba azy akory". Izany olona izany dia ilay "mpamitaka sy antikristy" (2Joa. 1:7), ka izay olona mampandroso azy an-trano dia "miombona amin' ny ratsy ataony" (2Joa. 1:11).
Jereo koa
hanovaLoharano sy fanamarihana
hanova- ↑ Voambolana: "loholona" ny ao amin' ny Baiboly prôtestanta amin' ny teny malagasy.
- ↑ Voambolana: "Antidahy" ny ao amin' ny Baiboly katôlika amin' ny teny malagasy.
- ↑ Voambolana: "itompokovavy" ny ao amin' ny Baiboly prôtestanta amin' ny teny malagasy.
- ↑ Voambolana: "Andriambavy" ny ao amin' ny Baiboly katôlika amin' ny teny malagasy.