Sevastopol

44°37′N 33°31′E

Sevastopol
Velarantany	864 km2
Isam-ponina	416,263 mponina
Tanànan-dehibe	NC
Ben'ny tanàna	NC
Firenena	Okraina
Faritany	NC
Faritra	NC

I Sevastopol manodidina ny taona 1905.

I Sevastopol na Sebastopol dia tanàna any amin' ny tapany atsimon' i Okraina, eo amoron' ny Ranomasina Mainty, any amin' ny morontsiraka atsimon' ny Saikinosin' i Krimea. Ny isan' ny mponina ao Sevastopol dia 416 263 tamin' ny taona 2016.

Atao hoe Севастополь / Sevastopolʹ izy amin' ny okrainiana fa Aqyar kosa amin' ny teny tatara krimeana.

I Sevastopol dia tobim-pitaovam-piadiana lehibe sady seranan-tsambo manan-danja. Ny fanamboarana sambo sy ny fanodinana sakafo sy mekanika no taozava-bavety lehibe indrindra ao.

Tantara

Naorin' i Grigori Potemkin tamin' ny taona 1784 teo amin' ny toerana nisy ny tanàna kelin' ny Tatara iray, akaikin' ny toerana nisy ny voanjo grika fahiny, dia i Kherson (taonjato faha-6 tal. J.K.), ny tanànan' i Sevastopol izay lasa seranan-tsambo lehibe tamin' ny ady tany Rosia, teo amin' ny Ranomasina Mainty. Nanao azy io ho tanàna mimanda voaaro mafy i Nikolai I. Ny fahirano natao an' i Sevastopol, tamin' ny Septambra 1854 ka hatramin' ny Septambra 1855, no fizaràn-tantara lehibe indrindra momba ny Ady tao Krimea.

Voatafika ilay tanàna, izay narovan' i Eduard Ivanovitch Totleben, taorian' ny herintaona nanaovan' ny tafika frantsay-britanika fahirano azy, tafika izay notarihin' i Aimable Pélissier. Ny faharesen' ny Rosiana teo amin' ny Mamelon Vert (7 Jona 1855), tao Tchernaia (16 Aogositra), ary indrindra, tao Malakoff (8 Septambra) dia nitarika ny fianjeran' i Sevastopol. Nodoran' ny Rosiana ilay tanàna ary avy eo dia nandositra an' io tanàna io izy ireo, tamin' ny fibodoan' ny Mpiray Dina azy tamin' ny 10 Septambra 1855.

Nandritra ny Revôlisiôna Bôlsevika sy ny ady an-trano taorian' izay dia lasa foiben' ny tafik' i Rosia Fotsy, notarihin' i Baron Wrangel, i Sevastopol. Noroahin' ny Tafika Mena i Wrangel tamin' ny Nôvambra 1920. Nandritra ny Ady Lehibe Faharoa, dia nataon' ny Alemàna fahirano i Sevastopol tamin' ny Nôvambra 1941 ary narovan' ny Sôvietika mafy.

Lehibe ny fahapotehan' ilay tanàna ka nianjera izy tamin' ny 2 Jolay 1942, taorian' ny fahirano naharitra sivy volana. Nitondra gadra 70 000 ny Wehrmacht. Azon' ny miaramila sôvietika notarihin' i Fedor Tolbukhin indray i Sevastopol tamin' ny 9 May 1944, taorian' ny fahirano naharitra iray volana. Tatỳ aoriana dia lasa iray amin' ny tobin' ny tafika an-dranomasina sôvietika ao amin' ny Ranomasina Mainty indray izy.

Taorian' ny faharavan' ny Firaisana Sôvietika tamin' ny 1991, i Okraina sy i Rosia dia samy nitaky ny andian-tsambo tao amin' ny Ranomasina Mainty, izay napetraka tao Sevastopol. Nanao fifanarahana ny roa tonta tamin' ny taona 1992, izay nanome ny fizaràna ny andian-tsambo tamin' ny taona 1995.

Nanomboka tamin' ny 18 Marsa 2014, taorian' ny krizin' i Krimea, dia nahazo ny sata maha "tanàna manan-danja federaly rosiana" azy i Sevastopol. Io sata io dia tohren' ny Firenena Mikambana sy I Okraina - izay nikambanan' ilay tanàna nanomboka tamin' ny taona 1954 ka hatramin' ny 2014.

Jereo koa

• Okraina

Tanàna hafa any Okraina: Bakhmut, Chernobyl, Cherson, Donetsk, Kiev, Kharkiv, Lugansk Melitopol, Mykolaiv, Odessa, Sevastopol, Sumy, Zaporizhia