Paoly VI (papa)

Paoly VI
Ankapobeny
Anarana	Paoly VI
Teraka	26 Septambra 1897
Maty	6 Aogositra 1978
Fiaviana sy ny andraikitra
Firenena	Italia
Asa :	Tsy fantatra
Fiainana manokana

I Paoly VI dia papa izay nitondra tamin'ny taona 1963 hatramin'ny 1978. Mizaka ny zom-pirenen'i Italia teraka ny 26 Septambra 1897 ary maty ny 6 Aogositra 1978. Izy no nitarika ny ankamaroan'ny fotoana nanaovana ny konsily Vatikana II ka tamin'ny no nivoahan'ny zava-baovao moma ny Fiangonana katôlika. Giovanni Battista Montini no tena anarany.

Nandalim-pahaizana tao Brescia ao Roma izy ka nahazo mari-pahaizana amin'ny filozofia, teolojia, lalàna kanonika ary lalàna sivily. Voahosotra ho pretra tamin'ny taona 1920 izy. Niasa tao amin'ny sekreteriatam-panjakana tao Vatikana izy nanomboka amin'ny taona 1933. Voatendry ho arsevekan'i Milano izy tamin'ny taona 1954 ary voatendry ho kardinaly koa tamin'ny taona 1958. Nihaona tamin'ny patriarkan'ny Fiangonana ortodoksa grika Athênagoras I tany Konstantinopoly izy ka nifanaraka taminy hanafoana ilay fifanozonana nifanaovan'ny Katolika sy ny Ortodoksa tamin'ny taona 1054 tamin'ny nisarahan'ny Fiangonan'ny Atsinanana sy ny Fiangonan'ny Andrefana. I Paoly VI no nanaiky tamin'ny taona 1969 ny fanaovana sorona masina amin'ny fitenin'ny olona andavanandro fa tsy voatery amin'ny fiteny latina. Nanamafy tsy fanabadian'ny pretra izy tamin'ny taona 1967.

Jereo koa

• Biôgrafia

Rohy ivelany

• Ao amin'i Freebase: [1]