Matahotra an' Andriamanitra (kristianisma)
Ny matahotra an' Andriamanitra dia ireo Jentilisa na Jentily nanaja ny fomba jiosy sasany tao amin' ny jodaisma helenistika nefa tsy niova fo ho amin' ny jodaisma, nandritra ny vanim-potoanan' ny Tempoly Faharoa. Atao hoe φοβούμενος τὸν Θεόν / phoboumenos ton Theon izy ireo amin' ny teny grika. Voatonona ao amin’ ny Testamenta Vaovao (Epistilin' i Paoly, Filazantsara, Asan' ny Apôstôly) izy ireo, izay manangana fiaraha-monina mitokana, ny ankamaroany dia Grika-Rômana, mifikitra amin' ny finoana mônôteista zo amin' ny Torah fa tsy voatery hanaiky ny fanao rehetra ao amin’ ny jodaisma, anisan' izany ny kashrut (fitsipika mifehy ny zavatra azo na tsy azo hanina) ary indrindra ny famorana.
Ao ao amin' ny fiarahamonin' ny matahotra an' Andriamanitra indrindra no nivoahan' ny kristianisma voalohany.
Ny kapiteny Kôrnelio voalaza ao amin' ny Asan' ny Apôstôly (Asa 10) dia iray amin’ ireo matahotra an' Andriamanitra, toa an’ i Lioka, mpanoratra ny Filazantsara araka an' i Lioka sy ny Asan' ny Apôstôly. Olona matahotra an' Andriamanitra maro no voatonona ao amin' ny soratry aoamin' ny sinagôga manerana ny tontolo grika.
Maro amin' ireo Grika-Rômana ireo izay niray fo tamin' ny jodaisma helenistika, no nanana fiaviana mpanompo sampy mônôteista na henôteista, izay nivavaka tamin' i Kaelo (latina: Caelus; anarana rômana nampitovizina tamin' i Iahveh).
Indreto ny andalana ao amin' ny Baiboly ahitana io anarana io:
"Dia nitsangana Paoly, nanofa tanana azy hangina, ka nanao hoe: Mihainoa, ry Israelita, sy hianareo izay matahotra an' Andriamanitra." (Asan' ny Apôstôly 13:16, Ny Baiboly Masina)
"Ry rahalahy taranak' i Abrahama, sy ireo matahotra an' Andriamanitra eo aminareo koa, ho antsika indrindra no nampitondrana ny tenin' izao famonjena izao" (Asan' ny Apôstôly 13:26, Ny Baiboly Masina)