Latinô-Amerikana (vahoaka)
Ny Latinô-Amerikana na Amerikana Latina dia ny olom-pirenena ao amin' ny firenena any Amerika Latina, na olona manana kolontsaina na razambe na fiaviana any Amerika Latina. Atao hoe Latinoamericanos izy ireo amin' ny teny espaniôla, Latino-americanos amin' ny teny pôrtogey, Latino-américains amin' ny teny frantsay, ary Latin Americans amin' ny teny anglisy.
Ny firenena any Amerika Latina sy ny zanaka am-pielezana avy amin' izy ireo dia vondrona manambatra foko sy firazanana samihafa. Ny Latinô-Amerikana dia vondrom-poko ahitana olona samihafa foko sy firenena. Vokatr' izany, ny Latinô-Amerikana sasany dia tsy mandray ny zom-pireneny ho toy ny foko, fa manao ny fizakany zom-pirenena ho foko fa fitambaran' ny fiaviany ara-pirenena sy ara-poko ary ara-drazambe. Ankoatra ny mponina tompon-tany taloha, ny Amerika Latina dia ahitana olona manana razambe avy any amin' ny Tontolo Tranainy (Afrika sy Eorôpa ary Azia) izay tonga nanomboka amin' ny taona 1492. I Amerika Latina no manana diaspôra lehibe indrindra amin' ny Espaniôla, Pôrtogey, Afrikana, Italiana, Libaney ary Japôney eran-tany. Io faritra io koa dia ahitana diaspôra alemàna (faharoa lehibe indrindra aorian' i Etazonia), frantsay, palestiniana (lehibe indrindra ivelan' ny firenena arabo), sinoa ary jiosy lehibe.
Ny firafitry ny foko sy/na firazanana manokana dia miovaova arakaraka ny firenena sy ny vondrom-piarahamonina am-pielezana: maro no manana fiaviana tompontany sy eorôpeana mifangaro izay atao hoe mestizo ("safiotra", "metisy"); amin' ny hafa indray dia ny tompotany teratany amerikana no maro anisa; ny sasany dia olona avy amin' ny razambe eorôpeana no tena monina ao; ny hafa dia mulatto indrindraindrindra. Ny vondrona tokana lehibe indrindra dia Amerikana Latina fotsy hoditra. Miaraka amin' ny vahoaka manana razambe eorôpeana ampahany, izy ireo dia mitambatra dia mamorona saika ny mponina manontolo.
Saika hita eran-tany ny Amerika Latina sy ny taranany, indrindra fa any amin' ny tanàna be mponina. Ny toerana fifindrà-monina manan-danja indrindra ho an' ny Amerika Latina dia any Etazonia, any Espaina, any Frantsa, any Kanada, any Italia ary any Japàna.