Ny kroazada faharoa dia fanafihana nataon' ny Kristiana nanomboka tamin' ny taona 1147 taorian' ny fahazoan' ny Miozolmana ny tanànan' i Edesse tamin' ny taona 1144, sady nifarana tamin' ny faharesen' ny tafika misalotra vokovoko tanteraka tamin' ny taona 1149. Ny papa Eogenio III no nanentana ny hanaovana izany kroazada izany.

I Saint-Bernard manao toriteny famporisihana handray anjara amn' ny kroazada faharoa tamin' ny taona 1146 tao Vézelay

Zava-misy niteraka ny kroazada

hanova

Nahomby ny kroazada voalohany, indrindra vokatry ny fitokana-monin’ ireo tafika mozilmana. Nisy ny fampikambanana indray ny Mozilmana tao Atsinanana Akaiky taty aoriana, ka i Imad al-Din Zanki, andriamanjaka tao Mossoul sy Halab, no nitarika izany. Tamin’ ny fanapahany dia nahazo fandresena voalohany ny tafika miozolmana ka naka ny tanànan’ i Edesse tamin’ ny taona 1144.

Fanentanana

hanova
 
Ny papa Eogenio III

Rehefa naheno izany ny papa Eogenio III dia nanambara ny hanaovana kroazada fanindroany amin’ ny faran’ ny taona 1145. I Bernard de Clairvaux (na Saint-Bernard) no nampiandraiketiny ny toriteny ho amin’ ny ady amin’ ny Mozilmana, tamin’ ny fivoriana natao tao Vézelay tamin’ ny fotoan’ ny Paska tamin’ ny taona 1146. Izany fanentanana izany dia nahataona olona maro, ka isan’ izany i Louis VII mpanjakan’ i Frantsa sy i Conrad III emperoran’ ny Empira Masina Jermanika.

Fiaingàn' ny tafiky ny vokovoko

hanova
 
I Conrad III

Niainga avy tao Nuremberg any Bavière ny tafik’ i Conrad tamin’ ny volana Mey 1147 ho any Jerosalema. Ny tafika frantsay kosa nanaraka azy ireo iray volana taty aoriana. Tao akaikin’ i Dorylée any Anatôlia, tafalatsaka tamin’ ny otrika nataon’ ny Tiorka ny tafiky ny emperora. Nahatonga ny ankamaroan’ ny miaramila misalotra vokovoko sy ny mpanao fivahiniana masina hiverin-dalana izany toe-javatra izany.

Fanaovana fahirano an' i Damasy

hanova

Nanohy ny diany ny tafika frantsay nefa ny ampahany tamin’ ny tafika tany am-piaingnana ihany no tonga tany Jerosalema tamin’ ny taona 1148. Niaraka nanao fahirano an’ i Damasy (Damaskôsy) tamin’ ny volana Jolay izy ireo sy i Baudoin III mpanjakan’ i Jerosalema miaraka amin’ ny miaramila mpitaingin-tsoavaliny.

Tsy fahombiazana

hanova

Tsy nahomby anefa izany fahirano izany. Fotoana fohy taty aoriana dia nody niaraka tamin’ ny andian-tafiny ny mpanjakan’ i Frantsa.

Jereo koa

hanova